Toshkentda blogerlar hayotini xavfga qo‘ymoqda

O‘zbekistonda odamlar mashhurlik va layklar ortidan hayotini xavf ostiga qo‘ymoqda, deb UPL.uz xabar berdi.
Yo‘l harakati xavfsizligi xizmatlari matbuot xizmatlari bergan ma’lumotga ko‘ra, ayrim fuqarolar ijtimoiy tarmoqlarda trend videolar uchun qonun buzmoqda.

Jumladan, Toshkent viloyati Akkurgan tumanida 3 nafar fuqaro yuk mashinasining yukxonasi suv bilan to‘ldirib, ichida ovqatlanishgan. Ularning oldingi videosida esa fuqaro mashina ustida mashhur raqsni qaytargan. Ma’lum bo‘lishicha, ular bu orqali “Instagram” sahifasida choyxona reklama qilmoqchi bo‘lishgan. Ularning barchasiga 12 kunlik ma’muriy qamoq jazosi qo‘llanilgan.

Shuningdek, “Nexia-1” mashinasi ustida raqs tushgan bir guruh fuqarolar ham aniqlanib, ularga nisbatan ma’muriy choralar ko‘rildi.

11-iyul kuni Andijon shahrida “Damas” avtomobilida raqsga tushilgan video qayd etilgan. Ishtirokchilar bilan profilaktik suhbatlar o‘tkazilib, bayonnomalar rasmiylashtirildi.

Eng shov-shuvli holat Toshkent shahrida sodir bo‘ldi. Bloger “Malibu-2” kapoti ustida raqs tushgan videoni yozib olgan. Raqs paytida u sirg‘anib ketib yiqilib tushishga sal qolgan. Shuningdek, avtomobilga boshqa mashinaga tegishli davlat raqami o‘rnatilgani aniqlandi.
“Zamin”ni Telegramʻda oʻqing!