Yandex Uzbekistan o‘smirlar uchun Python kursini ochadi

Yandex Uzbekistan 14 yoshdan 17 yoshgacha bo‘lgan o‘smirlar uchun bepul Python dasturlash onlayn-kursini boshlaydi, deb Kursiv xabar berdi. Kompaniya matbuot xizmatiga ko‘ra, tinglovchilar uchun ro‘yxatdan o‘tish 15 avgustgacha ochiq. Kursga dastlabki tayyorgarlik talab etilmaydi va dasturlashga qiziqish bildirgan yoshlar uchun mo‘ljallangan.

Dars dasturida Python asoslari va turtle vizual modulida ishlash o‘rgatiladi. Turtle orqali yoshlar kod yordamida rasm chizishni va dasturlashni yaxshiroq tushunishni o‘rganadi. Kurs sakkizta moduldan iborat bo‘lib, uni tamomlaganlarga sertifikat beriladi.

Kursni 20 avgustgacha muvaffaqiyatli yakunlagan 120 nafar eng yaxshi o‘quvchi Yandex dasturlash maktabiga tanlovsiz qabul qilinadi va ular uchun kuzda Python’ning chuqurlashtirilgan kursi boshlanadi. Python 1991 yilda yaratilgan bo‘lib, bugungi kunda eng mashhur dasturlash tillaridan biri hisoblanadi “Zamin”ni Telegramʻda oʻqing!