Bugun, 11-sentabr kuni Toshkent shahri Yakkasaroy tumanida joylashgan plastmassa quvur ishlab chiqarish tsexida yong‘in sodir bo‘ldi, deb Favqulodda vaziyatlar vazirligi xabar berdi.
Rasmiy ma’lumotlarga ko‘ra, soat 12:40 da Qushbegi ko‘chasidagi mazkur tsexda yong‘in boshlanganligi haqida FVVga xabar kelib tushgan. Hodisani bartaraf etish uchun yong‘in-qutqaruv otryadlari soat 12:46 da voqea joyiga yetib borgan.
Yong‘in soat 13:08 da to‘liq qurshab olingan va soat 13:15 da batamom o‘chirilgan. Tezkor harakatlar tufayli yong‘in keng miqyosda tarqalishiga yo‘l qo‘yilmagan. Dastlabki ma’lumotlarga ko‘ra, tan jarohati olganlar yo‘q.
Hodisa joyiga Favqulodda vaziyatlar vaziri shaxsan yetib borgan va Toshkent shahar FVV rahbariyati nazoratni o‘z qo‘liga olgan. Hozirda yong‘in sabablari o‘rganilmoqda.
“Zamin”ni Telegramʻda oʻqing!
