Samarqand shahrida 29 yoshli erkak qimor o‘ynagani uchun o‘zining aka va ukalari tomonidan shafqatsizlarcha urib o‘ldirilgan, deb Uz24.uz xabar berdi. Hodisa 2025-yil 20-iyun kuni sodir bo‘lgan.
Terguv ma’lumotlariga ko‘ra, aka-uka marhumni bog‘lab, elektr kabellari bilan tanasining turli qismlariga urgan. Oqibatda u og‘ir jarohatlar olgan va bir necha kundan keyin shu jarohatlar sababli vafot etgan.
Marhumning turmush o‘rtog‘i: “Turmush o‘rtog‘im qimor o‘ynagan bo‘lsa ham, hech kimga yomonlik qilmasdi. Aka-ukalari bilan munosabati yaxshi edi. Nega bunday vahshiylikka qo‘l urganini hali ham tushuna olmayman”, — degan.
Jinoyat ishi Samarqand shahri sudida ko‘rib chiqildi. Sud hukmiga ko‘ra, aka 8-yil 6 oyga, uka esa 6-yil 6 oyga ozodlikdan mahrum etildi.
“Zamin”ni Telegramʻda oʻqing!
