Samarqand shahrida Cobalt haydovchisining uyqusi yo‘l-transport hodisasiga sabab bo‘ldi, deb xabar berdi viloyat IIBB YHXB.
Ma’lumotlarga ko‘ra, 2 noyabr kuni Afrosiyob mahallasidagi Shohizinda ko‘chasida harakatlanayotgan Cobalt haydovchisi rulda uxlab qolgan. Natijada u mashinani boshqaruvini yo‘qotib, yo‘l chetiga o‘rnatilgan temir to‘siqqa urilgan.
Zarba oqibatida avtomobil qarama-qarshi yo‘lga chiqib ketgan va harakatlanib kelayotgan avtobus bilan to‘qnashgan.
Hodisa natijasida haydovchi tan jarohati olib, shifoxonaga yotqizilgan. Avtobusda yo‘lovchilar bo‘lmagani bois boshqa jabrlanuvchilar yo‘q. Har ikki transport vositasiga moddiy zarar yetgan.
Hozirda mazkur holat bo‘yicha dastlabki surishtiruv ishlari amalga oshirilmoqda. Mutaxassislar haydovchilarni charchoq holda yoki uyqusiz holda ruliga o‘tirmaslikka chaqirmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
