O'zbekistonda ekologiya muammolari yangi darajaga chiqmoqda. Endi havo sifati nafaqat poytaxtda, balki mamlakatning boshqa yirik shaharlari, xususan Samarqand va Andijonda ham yomonlashmoqda.
Bugun, 11-noyabr kuni, O'zgidromet Toshkent va Andijon aholisi uchun yomon havo sababli niqob taqishni tavsiya qildi. Shu bilan birga, ijtimoiy tarmoqlarda Samarqand marafoniga oid video tarqaldi.
Videoda odamlar smog o'rtasida yugurayotganini ko'rish mumkin. Foydalanuvchilar izohlarda marafon ishtirokchilari foydadan ko'ra ko'proq sog'lig'iga zarar yetkazganini ta'kidlamoqda.
"Havoning o'zi bizni o'ldirayotgan bir paytda marafonlar o'tkazib, aholi jismoniy faolligini oshirishga harakat qilishning nima keragi bor? Mas'ul shaxslar o'zlari O'zbekistonda yashamaydi, shekilli.
Aks holda daraxtlarni kesmas edilar", - deb yozdi foydalanuvchilardan biri. Soat 12:00 holatiga ko'ra Samarqandda PM2.5 konsentratsiyasi Jahon sog'liqni saqlash tashkilotining yillik me'yori tavsiyasidan 11,9 barobar yuqori.
Shaharda nafas olish zararli hisoblanadi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
