Farg‘ona neftni qayta ishlash zavodi hududidagi 12-sexda yer ostiga ko‘mib ketilgan, taxminan 3–6 oylik homilaning topilishi hududda katta shov-shuvga sabab bo‘ldi. Hodisa kecha, 28 noyabr kuni sex xodimlari daydi it kovlab chiqqan joyni ko‘rib qolgani ortidan aniqlangan.
Ma’lumotlarga ko‘ra, xodisa joyiga shahar prokurori boshchiligidagi tergov guruhi chiqib, yer maydoni, homila va atrofdagi qonga o‘xshash dog‘lar ashyoviy dalil sifatida olingan. Dastlabki sud-tibbiy ekspertiza xulosasida homilaning 3–4 oylik, o‘g‘il bola jinsiga mansub ekani, uning ona qornida infeksiya va gipoksiya natijasida o‘lgani qayd etilgan.
Hozirda homilaning onasini aniqlash bo‘yicha keng qamrovli surishtiruv olib borilmoqda. Shuningdek, so‘nggi kunda “obort” yoki sun’iy tushirishdan keyin tibbiy murojaat qilgan ayollar ro‘yxati o‘rganilmoqda. Zavod xodimlari ham alohida tekshiruvdan o‘tkaziladi.
Prokuratura tergovga qadar tekshiruv ustidan nazorat o‘rnatgan. Bu voqea qonunchilik, tibbiy yordam va jamiyatdagi axloqiy masalalarni yana bir bor kun tartibiga olib chiqmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
