Jastin Biber yangi Swag albomi bilan internetni portlatdi

Mashhur kanadalik qo‘shiqchi Jastin Biber kutilmaganda yangi albomi — Swag bilan muhlislarini hayratga soldi. Ushbu musiqiy to‘plam nafaqat uning ijodiy yuksalishida yangi bosqichni belgiladi, balki shaxsiy hayoti va ichki kechinmalarini ham yorqin tarzda namoyon etdi. Bir soatga yaqin davom etadigan albomda 20 ta qo‘shiq joy olgan bo‘lib, ular orasida Dadz Love, Devotion, Therapy Session, Daisiyes, Butterfliyes kabi mazmunan boy va emotsional treklar mavjud.

Biberning yangi ijod namunasi uning so‘nggi oylardagi shaxsiy hayotidagi qiyin damlar va ommaviy axborot vositalari bilan bo‘lgan tortishuvlar fondida yaratilgan. Ayniqsa, Otalar kunida paparatssi bilan bo‘lgan mojaro internetda keng muhokamalarga sabab bo‘ldi. U videoda shunday deydi:

“Men otaman. Men erman. Sen tushunmayapsan. Bu senga yetmayapti. Men o‘z so‘zimda mustahkam turaman.”

Aynan shu gaplar ijtimoiy tarmoqlarda virusga aylandi va minglab yuz foiz qo‘llab-quvvatlovlarga ega bo‘ldi. Qizig‘i shundaki, mazkur audio parcha Butterfliyes nomli qo‘shiqda sempl sifatida ham ishlatilgan. Bu esa ijodkorning shaxsiy so‘zlari orqali musiqiy ifodani yanada samimiy va ta’sirli qilib ko‘rsatdi.

Albomda Biber qator taniqli repchilar bilan hamkorlik qilgan: Sexxy Red, Cash Cobain va Gunna ular jumlasidan. Swag nomi uning 2012 yildagi “Boyfriyend” xit qo‘shig‘idagi “swag, swag, swag, on you” taronasiga ishora ekanligi ham muxlislar diqqatidan chetda qolmadi. Bu — o‘sha yoshlikdagi imidjga nisbatan bir og‘riqli nostalgiya hamdir.

Yangi musiqa albomi nafaqat lirik va teran, balki vizual jihatdan ham muxlislar ko‘nglidan joy oldi. Biber ijtimoiy tarmoqlarda albomni targ‘ib qilar ekan, unga taqdim etilgan suratlarda xotini Heyli Biber va ularning o‘g‘li ko‘rinmoqda — ba’zi kadrlarda u bolasini baland ko‘tarib turibdi. Bu suratlar nafaqat oilaviy muhabbat, balki otalik iftixori va mas’uliyatini ham aks ettiradi.

Albomning Daisiyes nomli ikkinchi qo‘shig‘idagi satrlar qo‘shiqchining oilaviy munosabatlariga ishora qiladi, deb taxmin qilinmoqda. “Gullar solar, sevasanmi, yo‘qmi?” va “Abadiy deding, sevgilim, lekin rostdan dedingmi?” kabi satri so‘nggi paytlarda Biber jufti bilan ijtimoiy tarmoqlardagi ziddiyatli munosabatlariga ishora qilishi mumkin.

Shuningdek, Devotion, Soulful, Forgiveness kabi nomlangan qo‘shiqlar Biberning nasroniy e’tiqodi va ruhiy holati bilan bog‘liq. Ushbu treklarda inson va Xudo o‘rtasidagi aloqa, kechirim va sodiqlik kabi g‘oyalar asosiy o‘rin egallagan.

Muxlislar ham, mashhur san’atkorlar ham ushbu albomni mamnuniyat bilan kutib oldilar. Jumladan, amerikalik repper Big Sean Biberning Instagram'dagi postiga “Haaaaa!!!!” deb izoh qoldirdi. Mazkur ijod mahsuli Jastinning 2021 yilda chiqqan “Justice” albomidan keyingi ilk katta loyihasi bo‘lib, to‘rt yillik sukutdan keyingi katta portlashga aylandi.

Biberning so‘nggi paytlarda shaxsiy hayoti ko‘pchilik e’tibor markazida bo‘ldi. U bir necha bor paparatssilarning haddan tashqari erk inkor etilishi haqida gapirdi va ijtimoiy tarmoqlarda o‘z kechinmalarini bayon etdi. Bu albom esa aynan shu kechinmalarning musiqa orqali ifodasi, deb aytish mumkin.

Albatta, “Swag” nafaqat musiqiy jihatdan, balki ijtimoiy va shaxsiy nuqtayi nazardan ham katta ahamiyatga ega bo‘ldi. U Jastin Biberning yetishgan, tiniq va ko‘proq o‘ziga xosligiga qaytgan bir davrini anglatadi. Bu albom Biberning muxlislariga yangi Jastinni — yanada ruhiy kamolga yetgan, inson sifatida yetishgan va o‘z qadrini bilgan obrazini taqdim qilmoqda. “Zamin”ni Telegramʻda oʻqing!