Sahnada kuchli ovozi va nozik tuyg‘ulari bilan tanilgan xonanda Ziyoda hayotidagi eng katta tayanchi — turmush o‘rtog‘i haqida juda samimiy va ta’sirli fikrlar bildirdi. Intervyu davomida u his-tuyg‘ularini yashirmay, qalbidan chiqqan so‘zlarni aytdi.
Ziyodaning ta’kidlashicha, turmush o‘rtog‘i uning hayotida doimo yonida bo‘ladigan, qo‘llab-quvvatlovchi eng yaqin inson. “Ular bo‘lmasalar, men juda qiynalib qolaman”, — deydi xonanda. Shu sababli ham u turmush o‘rtog‘idan cheksiz minnatdor.
“Ko‘p gapirsam, yig‘lab yuboraman”, — deydi Ziyoda. Uning so‘zlarida samimiyat, mehr va shukronalik yaqqol seziladi. Xonanda mehribon turmush o‘rtog‘i borligi uchun Allohga shukr qiladi, uni farzandlarining otasi sifatida katta hurmat bilan tilga oladi.
Ziyoda oilasi haqida gapirar ekan, eng katta orzusi farzandlarining baxti, kamoli va yorug‘ kelajagini ko‘rish ekanini aytadi. “Men ularni juda yaxshi ko‘raman”, — degan so‘zlari esa har qanday izohdan ma’no kasb etadi.
“Zamin”ni Telegramʻda oʻqing!
