Bir paytlar tomoshabinlar qalbini larzaga keltirgan “Yig‘lamagin” va “Sehrli qalpoqcha” filmlari orqali tanilgan aktyor Bunyod Rahmatullayev bugun ko‘pchilikni qiziqtirayotgan savollarga javob berdi: u hozir qayerda va nima bilan band?
Aktyorning aytishicha, u ilk bor 2009 yilda suratga olingan “Yig‘lamagin” filmida atigi 9 yoshda rol ijro etgan. Dastlab film uchun kastingdan boshqa nomzod o‘tgan bo‘lsa-da, keyinchalik marhum ustoz rejissyor Shuhrat Abbosov kastingni qayta ko‘rib chiqib, aynan Bunyodni tanlagan.
“Ustozim ko‘zlarimda ma’yuslik, ichki iztirob ko‘proq sezilishini aytib, meni tasdiqlaganlar”, — deydi aktyor.
Oradan yillar o‘tib, tomoshabinlar orasida “Nega Bunyod Rahmatullayev kinoda ko‘rinmayapti?” degan savol ko‘p yangray boshladi. Bu savolga aktyorning javobi aniq va samimiy:
“Bugungi kunda logistika sohasida ish yuritaman. Lekin kinodan ketganim yo‘q. Agar yaxshi, mazmunli obrazlar bo‘lsa, albatta yana rol ijro etaman.”
“Zamin”ni Telegramʻda oʻqing!
