Gʻaybulla Tursunov yangi “Komila” klipi premyerasi bilan muxlislarini hayratda qoldirdi

Xonanda Gʻaybulla Tursunov oʻzining yangi “Komila” nomli qoʻshigʻi va klipini taqdim etdi.

Maʼlum qilinishicha, qoʻshiq soʻzi va musiqasi Shuxrat Zakirovga tegishli boʻlib, u sevgi va his-tuygʻularga bagʻishlangan raqsbop tarona sifatida yangraydi.

Yangi trek ijodkorning avvalgi ishlariga xos uslubda, yengil va yoqimli ohangda yaratilgani bilan ajralib turadi.

Klip ham qoʻshiq kayfiyatiga mos ravishda tasvirga olingan. Unda bahoriy muhit, ochiq havoda oʻtayotgan bayram va qizlar davrasidagi samimiy lahzalar aks etgan.

Shuningdek, syujetda xonandaning kutilmagan tarzda sozandalari bilan paydo boʻlishi klipga yanada joziba bagʻishlagan.