Madaniyat vaziri, O‘zbekiston xalq artisti Ozodbek Nazarbekov kecha 52 yoshni qarshiladi.
U 1974 yil 7 may kuni Andijon viloyatining Shahrixon tumanida tug‘ilgan. Oddiy ishchilar oilasida voyaga yetgan san’atkor oiladagi farzandlar orasida oliy ma’lumot olgan yagona farzand bo‘lgan. U 10 yoshida onasidan ayrilgan.
Xonandaning san’atkor sifatida shakllanishida Muhriddin Xoliqovning hissasi katta bo‘lgan. U yosh iste’dodni qo‘llab-quvvatlab, ijod yo‘lida yordam bergan.
Ozodbek Nazarbekov 2005–2016 yillar davomida har yili uzoq muddatli konsert dasturlari bilan muxlislar e’tiborida bo‘lgan. Keyinchalik rahbarlik faoliyati sabab ijodida tanaffuslar kuzatilgan. San’atkor o‘zbek shevalarining 12 tasida erkin so‘zlasha olishi bilan ham ajralib turadi.
Ozodbek Nazarbekov bugungi kunda nafaqat O‘zbekiston, balki Qoraqalpog‘iston, Tojikiston va Qirg‘iziston xalq artisti hisoblanadi.
“Zamin”ni Telegramʻda oʻqing!
