O‘zbekiston Kaspiy dengizida parom yo‘llarini yo‘lga qo‘ymoqchi

O‘zbekiston Kaspiy dengizi orqali yuk tashishni tezlashtirish maqsadida o‘z paromlarini ishga tushirishni rejalashtirmoqda, deb uz.kursiv.media xabar berdi.

Bu haqda Transport vaziri Ilhom Mahkamov “O‘zbekiston 24” telekanaliga bergan intervyusida ma’lum qildi. Unga ko‘ra, bu tashabbus yuk tashish jarayonlarini tezlashtiradi.

Mahkamovning aytishicha, parom yo‘nalishlarini yo‘lga qo‘yishda Turkiya hamkor sifatida jalb qilinadi. Shuningdek, Xitoydan O‘zbekistonga qurilayotgan temir yo‘l loyihasi O‘zbekiston-Azarbeyjon tranzitiga ijobiy ta’sir qiladi.

Eslatib o‘tamiz, o‘tgan yilning yozida Ozarbayjon prezidenti Ilhom Aliyev O‘zbekiston bilan dengiz yuk tashishni rivojlantirishni qo‘llab-quvvatlagan va prezident Shavkat Mirziyoyevni Qora dengiz orqali yuk tashish loyihasiga qo‘shilishga taklif qilgan edi.

Toshkent ilgari ham Kaspiy dengizida o‘z flotini yaratish rejasini e’lon qilgan. O‘zbekiston bayrog‘i ostidagi kemalar orqali “O‘rta koridor” bo‘yicha yuk hajmi oshishi kutilmoqda. “Zamin”ni Telegramʻda oʻqing!