Biznes subyektlariga o‘z ro‘yxatdan o‘tgan joyidan tashqarida ham iqtisodiy va ma'muriy sudlarga murojaat qilishga ruxsat beriladi, deb Kursiv xabar berdi.
Bu haqda O‘zbekiston Prezidenti Shavkat Mirziyoyev tadbirkorlar bilan ochiq muloqot chog‘ida ma’lum qildi. Endi tadbirkorlar eksteritorial tartibda sudlarga murojaat qilishlari mumkin bo‘ladi.
Shuningdek, mamlakatda “astrent” tizimi joriy etiladi. Bu — sud qaroriga asosan qarzdorni rag‘batlantirish uchun undiruvchining foydasiga tayinlanadigan pul miqdori hisoblanadi.
Davlat rahbari so‘zlariga ko‘ra, sudlarning mustaqilligini ta’minlash bo‘yicha qat’iy siyosat olib borilmoqda.
“Bugungi tadbirkor — kechagi tadbirkor emas. Ularda huquqiy savodxonlik ortmoqda. Bu sudlarga murojaatlar soni ortishida ham ko‘rinadi”, — dedi Prezident Mirziyoyev.
“Zamin”ni Telegramʻda oʻqing!
