Boks. Lazizbek Mullajonov Kunkabaevni engib, Osiyo chempioniga aylandi, Ja'farovda ham oltin

^{Foto: Boks federatsiyasi}
Iordaniyaning Amman shahrida boks boʻyicha Osiyo chempionatining final bahslari 12 noyabr, shanba kuni boʻlib oʻtdi.

-75 kg vazn toifasi vakili Saidjamshid Ja'farov finalda Qozogʻiston vakili Nurqanat Rayis ustidan ishonchli gʻalabaga erishib, oltin medalga ega chiqdi.

Odiljon Aslonov (80 kg) mezbonlar vakili Husseyn Eyshayshga yutqazib qoʻydi. Madiyor Saidrahimov (92 kg) esa qozogʻistonlik Aybek Oralbayga engilib, kumush medalga ega chiqdi.


Super ogʻir vazn toifasida harakat qilgan Lazizbek Mullajonov qozogʻistonlik tajribali Kamshibek Kunkabaevga qarshi ringga chiqdi. Unda Mullajonov gʻalaba qozonib, Osiyo chempioniga aylandi.

Shuningdek, Hasanboy Doʻstmatov, Abdumalik Halokov va Ruslan Abdullaev oʻz janglarida gʻalaba qozonib, oltin medalni qoʻlga kiritdi.

Shu tariqa Oʻzbekiston erkaklar terma jamoasi Osiyo chempionatida 5 ta oltin, 2 ta kumush va bitta bronza bilan yakunladi. “Zamin” yangiliklarini “Telegram”da kuzatib boring