Nursulton Roʻziboev UFC’dagi debyut jangida yengilmas raqibini 1-raunddayoq nokautga uchratdi (video)
AQShning Las-Vegas shahrida Oʻzbekiston vaqti bilan 2 iyul tongida UFC musobaqasi oʻtkazildi.
UFC Vegas 76 musobaqasining asosiy kardida oʻzbekistonlik yakkakurashchi Nursulton Roʻziboev (36-8-2) jang qildi. Unga Braziliya vakili Bruno Ferreyra (10-1) raqib boʻldi.
Nursulton jangning birinchi raundidayoq raqibini kuchli zarba bilan nokautga uchratdi va muddatidan avval gʻalabani qoʻlga kiritdi.
Shu tariqa Roʻziboev UFC promoushenidagi debyutini muvaffaqiyatli boshladi.
Oʻzbekistonlik sportchi faoliyatidagi 36-gʻalabani qoʻlga kiritdi. Ferreyra esa MMA’dagi ilk magʻlubiyatini qabul qilib oldi.
Roʻziboev UFC bilan 21 iyun kuni shartnoma imzoladi va qisqa muddat ichida jang qilishiga toʻgʻri keldi. Ushbu MMA oqshomida Ferreyraga Abdulrazzoq Alhassan (12-5) raqib boʻlishi rejalashtirilgandi, biroq yakkakurashchi jarohat sabab safdan chiqdi va uning oʻrnini Nursulton egalladi.
“Zamin” yangiliklarini “Telegram”da kuzatib boring
