Rossiya Premer-ligasi o‘zbek futbolchilari uchun Yevropaga tramplin hisoblanadi. Ayniqsa, Eldor Shomurodov uch yil muqaddam “Rostov”dan kuchli beshlik chempionatlari qatoriga kiruvchi A Seriyaga transfer qilinganidan keyin uning yo‘lini takrorlashni istaydiganlar ko‘paydi.
Yevropani ko‘zlayotgan futbolchilarimizdan yana bir Abbosbek Fayzullayev. Avgustda “Paxtakor”dan SSKAga o‘tgan legionerimiz kelajakda kuchli ligalarda o‘ynash istagi borligini yashirmayapti.
O‘z navbatida, rossiyalik futbol ishqibozlari ham o‘zaro muhokamalarda o‘zbek legioneri masalasiga alohida e’tibor qaratgan.
Sports.uz portali rossiyalik fanatlarning Fayzullayev haqidagi fikrlarini e’tiboringizga havola qilishda davom etadi.
Artem Gladskix:
Abbos hurmatimizni qozondi. Mana talant!
KasperSurgut:
Abbos bir yildan keyin Yevropaning kuchli ligalarida javlon urayotgan bo‘ladi. SSKA juda sifatli o‘yinchini oldi. Uni kuchli klublarga transfer qilish ham qiyin bo‘lmaydi.
Pok_Toholo:
Abbosning hujum qilayotgandagi yengil harakatlari va texnikasi hayratga solyapti. Barchasini yuzidagi tabassum bilan amalga oshiryapti. Bu borada SSKAda porlagan Vagner Lavga o‘xshash tomonlari bor ekan.
Angry Horse:
Abbosga muxlislik qilyapman, jamoaning haqiqiy motoriga aylandi. Skautlar ham har doim “xoda” o‘yinchilarni olib kelmasdan, ishlasa zo‘rlarini topa olarkan.
CooL-CooL:
Abbosning omadi keldi. Agar sanksiyalar bo‘lmaganda, o‘yinchilarni boshqa tomonlardan qidirib yurishar edi.
Riverman1980:
Vladimir Fedotov yana bir texnikasi zo‘r o‘yinchini kashf qildi.
Shuller18:
Fayzullayev texnikasini namoyish qilishdan tashqari, maydonda mehnat ham qilmoqda. Aynan mehnatkashlik qobiliyati Karraskalga yetishmagan edi. Hozir “Dinamo”ga o‘tib ham, hech nimani qoyillatgani yo‘q. Qolaversa, “Dinamo”ning hozirgi murabbiyi Lotin Amerikasi futbolchilari bilan ishlashda katta tajribaga ega.
Ibn Xottabich:
Abbos jamoa motori. Juda yengil va yumshoq o‘ynaydi. To‘p bilan harakalari yoqadi. Bu yigit ikki qadam oldinni ko‘zlab o‘ynaydi. Maydonni ko‘ra olish qobiliyati zo‘r. Shuncha iqtidori bilan qora mehnatdan qochmaydi.
Gosha Petrov:
Fayzullayev transferida “Paulino, Yaziji, Tukavinni kutgan edik, bor-yo‘g‘i Fayzullayev, degani keldi”, deb jar solgan sharhlovchilar va ularni qo‘llab-quvvatlagan ayrim fanatlar hozir qayerda? Qanisizlar, ovoz bering!
Aleksey Poliyenkov (Gosha Petrovga javoban):
Fayzullayev bir porlashini hech kim kutmagan edi. U O‘zbekiston chempionatida ham boshqalardan ajralib turmagan. SSKAga zaxira va kelajak uchun olib kelingan edi. Lekin amalda hammasi boshqacha bo‘lib chiqdi.
Noviy trener FK Spartak:
Fayzullayevni qishda turklarga 30 million yevroga sotinglar!
Aleksey Poliyenkov (Noviy trener FK Spartak fiuriga javoban):
Shoshib arzon berib yuborishmasa bo‘ldi...
Andrey Biryukov:
Hozirdan ko‘p maqtamaylik. Abbosning jamoada ishlari yurishib ketdi, gol urdi, bir necha golli uzatmalar berdi, SSKA uchun kurashyapti, balli! Lekin SSKA tarixida faoliyatini zo‘r boshlab, keyin ko‘rinmay ketgan o‘yinchilar ham bo‘lgan.
Brennet (Andrey Biryukovga javoban):
Vahima qilmang. Golovinning porlayotganiga bir qarang. U hozirda SSKAda ham, Rossiyada ham emas. Yevropada o‘ynayapti. Shuning uchun Abbosbekning zo‘rligini tan olaylik, chunki u hozir biz muxlislarni quvonchiga sabab bo‘lyapti.
Arthur Nowack:
Seleksiya bo‘limidagilar istasa va ishlasa, Abbosdek yaxshi futbolchi topa olar ekan.
TheSportNik:
Boshida ayrim fanatlar SSKA skautlariga “Kimni olib kelding?”, deb dag‘-dag‘a qilgandi. O‘zbek futbolchisini esa, avvaldan maqtab kelishgan, “O‘zbek Messisi”, deb atashgan edi.
Yuriy Korol:
Abbosni boshqa klubga kamida uch yildan keyin transfer qilish lozim.
Groznyi2024:
Kuchli klublar Abbosni olib ketsa kerak!
“Zamin” yangiliklarini “Instagram”da kuzatib boring
