![O‘zbekiston terma jamoasi yetakchisi Yevropada boshqa klubga o‘tadigan bo‘lyapti](/uploads/posts/2024-08/xa81a027745_photo_2024-08-22_20-44-06.webp.pagespeed.ic.ObDYF3Z5en.webp)
Keyingi yillarda Yevropaning qator taniqli futbolchilari va murabbiylarini jalb qilib kelayotgan Turkiya Superligasi dunyoning eng kuchli ligalaridan biriga aylanib bormoqda.
Turk futbolida legionerlar alohida ahamiyat kasb etadi. Jami 19 ta jamoa ishtirok etayotgan yuqori divizionda 608 ta futbolchi qaydnomadan o‘tkazilgan bo‘lsa, shulardan 42,8 foizi, ya’ni 260 nafari xorijlik charm to‘p ustalaridir.
Ayni paytda Superligada yetmishta davlat vakillari to‘p tepayotgan bo‘lsa, ular orasida Osiyo futboli tarbiyalanuvchilari ham bor. Xususan, turklar Osiyo qit’asidan ancha kam – faqat O‘zbekistondan uchta, Erondan ikkita, Yaponiya va Xitoydan bir nafardan futbolchi jalb qilgan xolos.
Qardosh yurtda o‘ynayotgan hamyurtlarimizdan Husniddin Aliqulovning ishlari ancha yurishib ketdi. 25 yoshli legionerimiz markaziy himoyachi bo‘lishiga qaramay, dastlabki ikki turda raqiblar darvozasiga bir juft to‘p kiritdi. Uning gollari “Rizespor”ga to‘rt ochko keltirdi.
2024 yilning boshidan beri “Sivasspor” sharafini himoya qilayotgan Azizbek Turg‘unboyev universal o‘yinchi sifatida jamoasining asosiy figuralaridan biriga aylangan. 30 yoshli tajribali futbolchimiz yangi mavsumning har ikki uchrashuvida maydonga tushib, jamoasining to‘rt ochko jamg‘arishiga ko‘makchi bo‘ldi.
Turkiya Superligasidagi eng tajribali legionerimiz Otabek Shukurovning jamoa tanlashda biroz ishlari yurishmayapti.
Otabek Turkiyaga 2022 yili yozda kelgan. Yurtimizda “Mash’al” va “Bunyodkor”da o‘ynaganidan keyin 2018 yili Birlashgan Arab Amirliklarining “Sharcha” klubiga ko‘chib o‘tgan yarim himoyachi arablar yurtida to‘rt yil o‘ynaganidan keyin “Fotih Karagyumryuk” jamoasiga transfer qilindi.
O‘tgan mavsumning birinchi yarmida bu jamoa bilan shartnomani bekor qilgan 28 yoshli futbolchi 2024 yil boshida “Kayserispor” safiga qo‘shilgandi.
So‘nggi ma’lumotlarga qaraganda, Shukurov yana jamoasini almashtiradigan bo‘lyapti. Xususan, demokratkocaeli.com sayti jurnalisti Metin Tunjayning yozishicha, o‘zbek legionerini Turkiyaning boshqa jamoasi – “Kojaelispor”ga taklif qilishgan.
- Transfer oynasi oxirlab qolayotgan bo‘lsa-da, bu boradagi ishlar davom etmoqda. “Kojaelisport” yarim himoyachi va o‘ng qanot hujumchisini olmoqchi edi. Jamoaga futbol agentlari orqali o‘yinchilar taklif qilinmoqda.
Jumladan, “Kojaelispor”ga ayni paytga qadar “Kayserispor”da o‘ynab kelgan yarim himoyachi Otabek Shukurovni olishni tavsiya qilishdi. Bu futbolchi “Kayserispor”dagi holatidan norozi.
Jamoa bosh murabbiyi Ertugrul Sog‘lom Shukurovni transfer qilish bo‘yicha yakuniy qarorini “Erzurumspor” bilan bo‘ladigan uchinchi tur uchrashuvidan keyin ma’lum qilishini aytdi, - deb yozdi Metin Tunjay.
Ta’kidlash joizki, “Kojaelispor” hozir birinchi ligada ishtirok etmoqda va Superligaga chiqish uchun kurashayotgan jamoalardan hisoblanadi.
Otabek Shukurov faoliyati davomida klublar miqyosida 272 ta uchrashuvda ishtirok etib, 20 ta gol hamda 14 ta assist muallifi bo‘lgan.
Tajribaliya yarim himoyachi O‘zbekiston milliy terma jamoasi safida xalqaro miqyosda 69 ta uchrashuvda maydonga tushgan va o‘z hisobiga 7 ta gol yozdirib qo‘ygan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Superliga. "So‘g‘diyona" safarda "Neftchi"ni yirik hisobda mag‘lub etdi расм](/uploads/posts/2024-08/x6899465e69_b60b37e68ad842ec8895b7b5f86bd0e3.webp.pagespeed.ic.y33Q0QpZLj.webp)
Superliga. "So‘g‘diyona" safarda "Neftchi"ni yirik hisobda mag‘lub etdi
![Endi auksiondan yer sotib olgan tadbirkorga QQS hisoblash bekor qilinadi расм](/uploads/posts/2024-08/xc66d4be370_858c32bb2019a31ec6f0d3d342cc5411.webp.pagespeed.ic.R_iDV-KGKC.webp)
Endi auksiondan yer sotib olgan tadbirkorga QQS hisoblash bekor qilinadi
!["Propiska"ga qo‘yish bo‘yicha yagona tartib joriy etiladi расм](/uploads/posts/2024-08/xf4d1fdc4f8_14f4fa36-0d87-47cd-90c2-d10a65a4f463.webp.pagespeed.ic.tvAb1pp031.webp)
"Propiska"ga qo‘yish bo‘yicha yagona tartib joriy etiladi
![Rossiyada O‘zbekiston fuqarolarini terrorchi tashkilotga yollagan erkak ushlandi расм](/uploads/posts/2024-08/xb006b5a0ce_photo_2024-08-21_08-26-23-hwu6bq_t.webp.pagespeed.ic.xk1064wHgP.webp)
Rossiyada O‘zbekiston fuqarolarini terrorchi tashkilotga yollagan erkak ushlandi
![Trampning saylovoldi kampaniyasiga kimlar homiylik qilmoqda? расм](/uploads/posts/2024-08/x66ff79cbd3_zx0v4ijgdonzrayumoaz16ojohlbbsy1.webp.pagespeed.ic.Yzi18xJs8o.webp)
Trampning saylovoldi kampaniyasiga kimlar homiylik qilmoqda?
![Harris qurultoyda rejadan tashqari murojaat bilan chiqdi расм](/uploads/posts/2024-08/x3524540fdc_qauae8kwvxody5l2kcg8t2sj3mfsxcbz.webp.pagespeed.ic.3nWnpkedYw.webp)
Harris qurultoyda rejadan tashqari murojaat bilan chiqdi
![Armaniston AQSHga atom energiyasidan tinch maqsadlarda foydalanish bo‘yicha hamkorlik so‘rovini yubordi расм](/uploads/posts/2024-08/x35a96f58c0_photo_2024-08-22_20-46-46-gw_jm8nh.webp.pagespeed.ic.syU64vIY4f.webp)
Armaniston AQSHga atom energiyasidan tinch maqsadlarda foydalanish bo‘yicha hamkorlik so‘rovini yubordi
![Ro‘ziqul Berdiyev: "Hujumda agressiya yetishmadi. Chempionat hali-beri tugamaydi, chempionlik haqida gapirishga erta" расм](/uploads/posts/2024-08/x30c35f186c_berdiyev052024.webp.pagespeed.ic.d6bBGLH3X2.webp)
Ro‘ziqul Berdiyev: "Hujumda agressiya yetishmadi. Chempionat hali-beri tugamaydi, chempionlik haqida gapirishga erta"