Yevropa top-ligalari jamoalari FIFA kunlari munosabati bilan qisqa tanaffusga chiqadi. O‘zbekiston terma jamoasining Yevropa maydonlarida o‘ynayotgan futbolchilari ham milliy chempionatlardagi navbatdagi uchrashuvlarini o‘tkazib bo‘ldi.
Italiyadagi Eldor Shomurodov ham “Roma”da o‘yin amaliyotiga ega bo‘lmoqda. Fransiyadagi Abduqodir Husanov “Lans”ning haqiqiy tayanchiga aylandi. Rossiyadagi Abbosbek Fayzullayev SSKAning asosiy o‘yinchisi darajasini ushlab turibdi.
Yevropada ko‘nchilikning e’tiborini Abduqodir Husanov tortmoqda. “Lans” chempionatning yettinchi turida “Strasbur” maydonida 2:2 hisobida durang o‘ynadi. Lansliklarning bir ochkoga ega bo‘lishida 20 yoshli legionerimizning hissasi katta bo‘ldi.
Nufuzli manba – LENSOIS.COM portali odatga ko‘ra, “Lans”ning eng yaxshi futbolchisini aniqlash uchun muxlislar o‘rtasida an’anaviy so‘rovnoma o‘tkazdi.
Qizig‘i shundaki, bu gal ham Abduqodir Husanov eng ko‘p ovoz to‘pladi va “Lans”ning eng yaxshi futbolchisi sifatida e’tirof etildi. Hamyurtimizning top-ligadagi o‘yinlarda ko‘p marotaba eng yaxshi o‘yinchi bo‘layotgani o‘zbekistonlik muxlislar uchun juda yoqimli syurpriz hisoblanadi.
So‘rovnoma natijalari quyidagicha bo‘ldi:
- Abduqodir Husanov: 70,44%
- Endi Diuf: 11,52%
- M'Bala Nzola: 10,94%
- Qolganlar: 5% foizdan kam.
LENSOIS.COM izohi:
Abudqodir Husanov “Strasbur”ga qarshi uchrashuvda havoda ham, yerda ham juda ishonchli o‘ynadi. Ayniqsa, bellashuvning so‘nggi daqiqalarida raqibning oxirigi hujumida to‘pni o‘z uslubida – keskin podkat bilan qaytarib yuborib, jamoasini goldan saqlab qolgani kulminatsion nuqta bo‘ldi.
O‘zbek himoyachisi raqiblarning hujumlarini bo‘g‘ib qo‘ydi, jamoadoshlarining xatolarini tuzatishda faollik ko‘rsatdi. Ayniqsa, himoya chizig‘idagi sheriklarini o‘z soyasida qoldirdi.
Husanov o‘z o‘yinida kerakli muvozanatni topdi, mahorat va shiddat chegarasini aniqlab oldi. Yana bir e’tiborga molik jihat, Husanov to‘pni olib hujumga o‘tishni odatga aylantirayapti. Uning harakatlari odamni jumbushga keltiryapti.
Shuningdek, “Lans” muxlislari ham Abduqodir Husanovning o‘yiniga o‘z munosabatini bildirmoqda:
Loulou59:
Endi Abduqodir Husanovni to‘xtatib bo‘lmaydi. Aytishganidek, u “monstr”ga aylanib bo‘ldi. Olg‘a, “Lans”!
Tony:
Husanovning boshlang‘ich tarkibda o‘ynayotgani ham, uchrashuvlarning eng yaxshi o‘yinchisi, deb e’tirof etilayotgani ham haqiqatan adolatdan bo‘lyapti. Har qanday so‘rovnoma yakunlanmay turib, Abduqodir Husanovning g‘alabasini taxmin qilish odatga aylanib qoldi. Baribir u eng zo‘ri bo‘lib chiqaveradi.
Tralla:
Abduqodir hali ishlov berilmagan olmos. Uning yordamida bu jamoa kuchli to‘rtlikdan joy olishga qodir.
Eslatib o‘tamiz, endi Abduqodir Husanov 2026 yilgi jahon chempionatining saralash uchrashuvlarida ishtirok etish uchun Toshkentga keladi. O‘zbekiston milliy terma jamoasi o‘z muxlislari ko‘z o‘ngida ikki asosiy raqib – Eron va Birlashgan Arab Amirliklari bilan muhim o‘yinda maydonga tushadi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Italiyada ekofaollar norozilik ramzi sifatida IIV binosi qarshisiga go‘ng to‘kdi
