Pep Gvardiola Husanovning asosiy ustunliklarini aytdi

"Manchester Siti" bosh murabbiyi Pep Gvardiola oʻzbekistonlik himoyachi Abduqodir Husanov haqida fikr bildirib, uni “bizga etishmayotgan oʻziga xos sifatlarga ega futbolchi” deb atadi. Klubning rasmiy saytida chop etilgan intervyusida Pep Husanovning jamoaga qachon transfer qilinganini va uning oʻziga xos xususiyatlarini ta'kidladi.

Murabbiyning soʻzlariga koʻra, Husanovni qishki transfer oynasida sotib olish qarori mavsum boshida himoya chizigʻidagi jarohatlar tufayli qabul qilingan. Gvardiola, shuningdek, klub Husanovni oʻtgan yozdan beri kuzatib kelganini aytdi.

Gvardiola soʻzlaridan:
"Abduqodir bizga kerak boʻlgan sifatlarni olib keladi. U markaziy himoyachi sifatida, markazda, oʻng qanotda yoki uchlik himoyada ham oʻynay oladi. Uning tezligi jamoamiz uchun juda muhim va qarshi hujumlarni bartaraf etishda yordam beradi. Ammo, eng muhimi, biz toʻp nazoratini yaxshilashimiz kerak."

Husanovning murabbiy tomonidan alohida e'tirof etilgan tezligi qarshi hujumlarni oldini olishda katta yordam berishi aytilayotgan boʻlsa-da, Gvardiola jamoaning asosiy muammosi toʻpni nazorat qilishda ekanligini qayd etdi.

APL 23-turi doirasidagi "Manchester Siti" va "Chelsi" uchrashuvi 25-yanvar, shanba kuni boʻlib oʻtadi. Bu oʻyin Husanov uchun oʻzini namoyon etish imkoniyatini beradi. “Zamin” yangiliklarini “Telegram”da kuzatib boring