CAFA tashkiloti rasmiy matbuot xizmati tomonidan e’lon qilingan yangilikga ko‘ra, 2025 yilda futbol ishqibozlari uchun yana bir qit’aviy musobaqa – “CAFA Nations Cup-2025”ga start beriladi. Ushbu nufuzli turnirda faqat Markaziy Osiyo mamlakatlari emas, balki yangi mehmon terma jamoalar ham ishtirok etadi. Musobaqada O‘zbekiston, Eron, Qirg‘iziston, Tojikiston, Afg‘oniston va Turkmaniston termalaridan tashqari, Malayziya hamda O‘mon terma jamoalari qatnashishi rasman tasdiqlandi.
Bunday keng formatdagi musobaqa ilk bor o‘tkazilayotgani bilan ham qiziqarli. Mehmon sifatida taklif etilgan Malayziya va O‘monning ishtirok etishi raqobat darajasini yanada oshirishi shubhasiz. Har ikki jamoa ham o‘z mintaqasida jiddiy raqiblar hisoblanadi va ularning CAFA maydonida qanday o‘yin ko‘rsatishi alohida e’tiborga loyiq.
Qur’a marosimi 3 iyul kuni Tojikiston poytaxti Dushanbe shahrida bo‘lib o‘tadi. Turnirning o‘zgacha formatiga ko‘ra, ishtirokchilar ikki guruhga bo‘linadi: “A” guruhining barcha uchrashuvlari O‘zbekistonda, “B” guruhining esa Tojikistonda tashkil etiladi. Bu esa futbol muxlislariga ikki davlatda ham jonli musobaqa muhitini his etish imkonini beradi.
Turnirning start sanasi 29 avgust etib belgilangan. Qiziqarli bahslar 8 sentyabrgacha davom etadi va finalda qit’amizning eng yaxshi jamoasi aniqlanadi. Ushbu turnir orqali Markaziy Osiyo futbolining salohiyati va rivoji yana bir bor namoyon bo‘ladi.
CAFA Nations Cup-2025dagi har bir o‘yin – yangi intriga, yangi iste’dod va yangi chempionlik orzusi. Muxlislar esa tarixga guvohlik qilishga tayyor turishyapti. Musobaqaning start qismidayoq barcha e’tibor mana shu maydonlarda bo‘ladi! “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
