Eron murabbiyi finalda kimni kutayotganini ochiq aytdi

2 daqiqa o'qish288
Eron murabbiyi finalda kimni kutayotganini ochiq aytdi

FIFA kunlari doirasida BAAda o‘tkazilayotgan «Al-Ayn Kubogi» yana bir qizg‘in bahslarga boy musobaqaga aylandi. Dastlabki yarim finalda Eron milliy jamoasi JCH-2026 qatnashchisi Kabo-Verdeni asosiy vaqtdagi 0:0 hisobidan keyin penaltilar seriyasida (5:4) mag‘lub etib, finalga yo‘l olishga muvaffaq bo‘ldi.

Shu o‘rinda forslar bosh murabbiyi Amir G‘alenoyi uchrashuvdan keyingi matbuot anjumanida nafaqat o‘yin haqida to‘xtalib o‘tdi, balki finalda qaysi jamoaga qarshi bahs olib borishni istashini ham ochiq bildirdi. Uning aytishicha, bu turnirdagi natija asosiy maqsad emas, chunki jamoa mutlaqo boshqa — Jahon chempionatiga tayyorgarlik yo‘nalishida ish olib bormoqda.

Amir G‘alenoyi ta’kidlaganidek, Eron asosiy tarkibning bir qator yetakchilarisiz maydonga tushganiga qaramay, jamoa taktik jihatdan juda foydali mashg‘ulot oldi. U, xususan, Sardor Ozmun, Mehdi G‘oyediy, Ali Golezoda, Alirizo Jahonbaxsh kabi muhim o‘yinchilarning yo‘qligi jamoaga ma’lum qiyinchiliklar tug‘dirayotganini e’tirof etdi.

«Jahon chempionatiga yo‘llanma olgan jamoa ustidan g‘alaba qozonganimiz, albatta, xursand qiladi. Lekin shunga qaramay, bu turnirdagi yutuq yoki mag‘lubiyatning ahamiyati katta emas. Aziz do‘stlar, shuni yaxshi tushunishimiz kerakki, bu bahslar bizning kuchli va zaif tomonlarimiz qay yerda ekanini ko‘rsatib beradi. Biz uchun eng muhimi — o‘rganish va tayyorgarlik», — dedi G‘alenoyi.

Kuni kecha jurnalistlar tomonidan finalda qaysi jamoaga qarshi o‘ynashni istashi haqida berilgan savolga esa murabbiy shunday javob qaytardi:

«Ertaga O‘zbekiston va Misr o‘yinini atroflicha tahlil qilamiz. Ikkisi ham kuchli raqiblar. O‘zbekiston — juda yaxshi tarkibga ega, har qanday jamoaga qarshi munosib o‘yin ko‘rsata oladi. Biroq, agar finalda qaysi jamoaga qarshi o‘ynashni istaysizlar desangiz, men Misrni tanlardim. Bosim ostidagi o‘yinlar biz uchun juda muhim — ular orqali qaysi jihatlarimizni yaxshilashimiz kerakligini aniq ko‘ramiz».

Eslatib o‘tamiz, O‘zbekiston – Misr uchrashuvi 14 noyabr kuni Al-Ayndagi «Hazza bin Zayd» stadionida soat 21:00da start oladi. Mazkur bahs g‘olibi finalda Eronga qarshi maydonga tushadi, mag‘lub jamoa esa 3-o‘rin uchun Kabo-Verde bilan kurash olib boradi.

Musobaqa tobora qizimoqda. Endi barcha nigohlar O‘zbekiston – Misr uchrashuviga qaratilgan — forslarning finaldagi raqibi aynan shu bahsda aniqlanadi.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?