10:03 / 24.05.2021
958

Vaqti kelsa, Ispaniya terma jamoasi bilan ham o‘ynash imkoniyatimiz bo‘ladi - Ravshan Ermatov

Vaqti kelsa, Ispaniya terma jamoasi bilan ham o‘ynash imkoniyatimiz bo‘ladi - Ravshan Ermatov

“Toshkent Besh tashabbus harakati" doirasida Milliy olimpiya qo‘mitasi vitse-prezidenti Ravshan Ermatov bilan yoshlarning ochiq muloqoti o‘tkazildi. Ravshan Ermatov Ispaniya futbol klubi "Atletiko Madrid" jamoasining O‘zbekistonga kelishi haqidagi xabarlarga aniqlik kiritdi. Bu haqda "Uzreport" rasmiy sayti xabar berdi.

– Xabaringiz bor, yaqinda turizm va sport vaziri Ispaniya va Italiya safarlarida bo‘ldi. Safar chog‘ida "Atletiko Madrid" klubi vakillari bilan muzokaralar olib borilgan.

Biz ular bilan qaysi yo‘nalishlar bo‘yicha tajriba almashishimiz mumkinligi, xalqaro o‘rtoqlik o‘yinlari, murabbiylarni Ispaniyaga malaka oshirishga yuborish, yosh futbolchilarimizni klub akademiyasiga joylash kabi masalalarni qo‘ydik.

Bilasiz, "Atletiko Madrid" jamoasining grafigi juda tig‘iz, shuning uchun hozircha, klubning yoshlar jamoasidan boshlab turamiz. Keyinchalik, kattalar jamoasi, vaqti kelsa Ispaniya terma jamoasi bilan ham o‘ynash imkoniyatimiz bo‘ladi, – dedi Ravshan Ermatov.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » Vaqti kelsa, Ispaniya terma jamoasi bilan ham o‘ynash imkoniyatimiz bo‘ladi - Ravshan Ermatov