Foto: Mitc.uz
2022 yilning 24 iyun kuni Kaliforniya shtatining Irvin shahrida O‘zbekiston axborot texnologiyalari va kommunikatsiyalarini rivojlantirish vazirligi, IT Park Uzbekistan va «LoadStop» kompaniyasi hamkorligida «Uzbekistan-USA: Logistics Technology & BPO Shared Opportunities» nomli tadbir tashkil etildi.
Tadbirdan maqsad — O‘zbekistonga biznes-jarayonlari autsorsingi yo‘nalishida yirik buyurtmalarni jalb etish, mavjud BPO kompaniyalari bilan hamkorlik aloqalarini yo‘lga qo‘yish, shuningdek, O‘zbekistonda yangi BPO eksport korporatsiyasi ochilishi haqida e’lon qilish edi.
Foto: Mitc.uz
Tadbirda 50 dan ortiq BPO sohasida faoliyat yurituvchi tadbirkorlar va Irvin shahri meri Farra Xan hamda Irvin Savdo-sanoat palatasi prezidenti Brayan Star boshchiligidagi davlat organlari vakillari ishtirok etdi.
Foto: Mitc.uz
AKT vaziri Sherzod Shermatov O‘zbekistondagi yangi autsorsing bozori salohiyati haqida so‘z yuritar ekan, mamlakatimizdagi mavjud shart-sharoitlar, jumladan, xalqaro talablarga mos qonunchilik, yosh iste’dodlarning ko‘pligi, zarur zamonaviy infratuzilma, soliq va bojxona imtiyozlari ta’minlanganligi hamda IT sohasida ta’lim yo‘lga qo‘yilganligiga urg‘u berdi. Bu esa, o‘z navbatida, O‘zbekistonni autsorsing sohasidagi hamkorlik uchun jozibador davlatga aylantiradi.
Shuningdek, IT Park rezidenti «RevoTech» kompaniyasi tomonidan «LoadStop» startapiga sarmoya kiritilganligi alohida qayd etildi. Ta’kidlash joiz, qiymati 50 million AQSH dollaridan yuqori baholangan startap transportni boshqarishning innovatsion tizimini ko‘zda tutadi. Kompaniya esa uning hammuassisi hisoblanadi.
Tadbir doirasida O‘zbekiston Respublikasi Axborot texnologiyalari va kommunikatsiyalarini rivojlantirish vazirligi va «Access Capital Management Corp» o‘rtasida IT va BPO sohasida o‘zaro hamkorlik to‘g‘risida shartnoma imzolanishi va qo‘shma korporatsiya tashkil etilishiga bag‘ishlangan tantanali marosim bo‘lib o‘tdi. Bo‘lajak korporatsiya 3 yil ichida 1100 ta ish o‘rni yaratilishi hamda AQSH va O‘zbekistonda yuridik shaxs tadbirkorlik sub’ektlari ochilishini nazarda tutadi. Yangi korporatsiya miqyosida sug‘urta, faktoring, QA (sifat nazorati) va multimediya kabi yo‘nalishlar bo‘yicha biznes-jarayonlarni autsorsing faoliyatini kengaytirish bo‘yicha kelishuvlarga erishilganligi qayd etildi.
Tadbirning rasmiy qismidan so‘ng Amerika kompaniyalari ishtirokida B2B formatidagi uchrashuvlar o‘tkazildi. Unda IT Park rezidenti maqomini olish tartibi va rezidentlarga taqdim etiladigan imtiyozlar muhokama qilindi. O‘zbekistonda BPO sohasi rivoji bilan shug‘ullanuvchi uyushma tashkil etish, shuningdek, ICT WEEK Uzbekistan 2022 doirasida tadbirlarni tashkillashtirish masalalari ham ishtirokchilar e’tibor markazida bo‘ldi.
Foto: Mitc.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Turkiyaning Harper's Bazaar nashri yil ayolini aniqladi (foto)
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
Shols va Putin o‘rtasidagi suhbat Kiyevga signal bo‘ldi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
20 yoshli o‘zbekistonlik qizni qarindoshi Turkiyaga sotib yubordi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
