Spotify podkastlar uchun sunʼiy intellektga asoslangan yangi funksiyalarni taqdim etdi

1 daqiqa o'qish200
Spotify podkastlar uchun sunʼiy intellektga asoslangan yangi funksiyalarni taqdim etdi
QisqachaAI yordamida tayyorlanganKo‘rsatish
  • Spotify platformasi foydalanuvchi gʻoyasi yoki maxsus buyrugʻi asosida sunʼiy intellekt yordamida shaxsiy podkastlar yaratish funksiyasini joriy qilmoqda.
  • Tez orada foydalanuvchilar bevosita ilova ichida kundalik yoki haftalik qisqa brifinglar hamda muayyan mavzularni tushunishga yordam beruvchi bir martalik audio materiallar yaratish imkoniyatiga ega boʻladilar.

Spotify platformasi foydalanuvchilar uchun podkastlarni shunchaki tinglash maskanidan ularni yaratish maydoniga aylantirishni maqsad qilgan. Kompaniya foydalanuvchi gʻoyasi yoki maxsus buyrugʻi (prompt) asosida sunʼiy intellekt yordamida shaxsiy podkastlar yaratish funksiyasini joriy qilmoqda. Tez orada foydalanuvchilar bevosita Spotify ilovasi ichida kundalik yoki haftalik qisqa brifinglar, shuningdek, muayyan mavzularni tushunishga yordam beruvchi bir martalik audio materiallar yaratish imkoniyatiga ega boʻladilar. Bu haqda Techcrunch.com xabar beradi.

Yangi tizim orqali foydalanuvchilar “Iqtisodiyotni besh daqiqada tushuntirib ber” yoki “Sevimli sanʼatkorlarimning konsertlari haqida maʼlumot ber” kabi soʻrovlar yuborishlari mumkin. Shuningdek, podkast yaratish uchun havolalar, PDF fayllar va matnlarni yuklash, hatto ovoz turini tanlash imkoniyati mavjud. Bu borada Spotify NotebookLM va ElevenLabs kabi texnologiyalardan andoza olmoqda. Shuningdek, foydalanuvchining elektron pochtasi va taqvimiga ulanib, shaxsiy hisobotlar tayyorlovchi Studio by Spotify Labs ish stoli ilovasi ham taqdim etildi.

AQSH, Shvetsiya va Irlandiyadagi Premium obunachilar uchun podkastlar boʻyicha sun’iy intellektli savol-javob (Q&A) funksiyasi ishga tushirildi. Endilikda tinglovchilar podkast davomida tilga olingan tushunchalar haqida savol berishlari yoki qiziqarli mavzularda tavsiyalar olishlari mumkin. Bu funksiya Google tomonidan yaqinda taqdim etilgan Ask YouTube xizmatiga oʻxshash boʻlib, foydalanuvchilarning kontent bilan faolroq muloqot qilishini taʼminlaydi.

Podkast mualliflari uchun ham yangiliklar bor: Spotify brendlar bilan hamkorlikni boshqarish uchun homiylik vositalarini va eksklyuziv kontentlar uchun pullik obuna tizimini joriy qilmoqda. Bunday imkoniyatlar avvalroq Instagram, Facebook va Snap kabi ijtimoiy tarmoqlarda yoʻlga qoʻyilgan edi. Kompaniya maʼlumotlariga koʻra, video podkastlar isteʼmoli oʻtgan yilga nisbatan 50 foizga oshgan va yangi AI funksiyalari ushbu oʻsishni yanada jadallashtirishi kutilmoqda.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?