SpaceX kompaniyasi Starship tizimining 12-parvozi doirasida yangi rekord oʻrnatdi. Raketa orbitaga taxminan 45 tonna ogʻirlikdagi Starlink sunʼiy yoʻldoshlarining massa simulyatorlarini olib chiqdi. Bu 1973-yilda Saturn V raketasi Skylab orbital stansiyasini (77 tonna) koinotga yetkazganidan beri bir martalik parvozda tashilgan eng ogʻir yukka aylandi. Bu haqda Ixbt.com xabar beradi.
Truthful akkaunti tomonidan eʼlon qilingan va Elon Musk tomonidan tasdiqlangan maʼlumotlarga koʻra, ushbu voqea koʻp marta ishlatiladigan kosmonavtika rivojida muhim bosqich hisoblanadi. Starship asta-sekin oʻzining asosiy maqsadi — tarixdagi eng yuqori yuk koʻtarish qobiliyatiga ega va eng tejamkor yetkazib berish tizimiga aylanish sari yaqinlashmoqda.
Taqqoslash uchun, Falcon Heavy raketasining yuk koʻtarish quvvati past yer atrofi orbitasiga (LEO) 63,8 tonnagacha yetishi mumkin, biroq bu faqat raketa bosqichlari qaytarilmagan holatda amalga oshadi. Starship tizimining asosiy farqi esa uning barcha elementlari toʻliq koʻp marta foydalanishga moʻljallanganligidadir.
Avvalroq Starship 20 ta Starlink simulyatori va suratga olish uchun maxsus moslashtirilgan ikkita modifikatsiyalangan sunʼiy yoʻldoshni muvaffaqiyatli chiqargani xabar qilingan edi. Keyingi parvozlarda haqiqiy sunʼiy yoʻldoshlar uchirilishi kutilmoqda, bu esa global sunʼiy yoʻldosh tarmogʻini kengaytirishni sezilarli darajada tezlashtiradi.
“Zamin”ni Telegramʻda oʻqing!
