Россия президенти Владимир Путиннинг Россия таркибига янги ҳудудларни қўшиш бўйича шартномаларни имзолаш маросимидаги нутқи Москванинг Ғарб етакчилигидаги дунё тартибига барҳам бериш истагидан далолат беради. Бу ҳақда “National Interest” шарҳловчиси Марк Эпископос ёзмоқда.
Унинг фикрича, Россия раҳбарининг мурожаати унинг 2007 йилда Мюнхен хавфсизлик конференциясида сўзлаган нутқида қайд этилган ғарбга қарши ривожланаётган тенденцияларнинг мантиқий якунини кўрсатади.
“Путиннинг хабари аниқ: Россия Ғарб бошчилигидаги ўзи берк ва деспотик деб ҳисоблаётган дунё тартибини ағдариш учун курашмоқда”, деди Эпископос.
Мақола муаллифи Путин СССР парчаланганидан кейин мавжуд бўлган халқаро тартибни тубдан қайта кўриб чиқиш учун қатъийлик кўрсатмоқчи бўлганини тахмин қилган.
“Нутқ, асосан, Aфриканинг қул савдоси ва талон-тарож қилиниши, Aмерикадаги индейс қабилаларининг геноциди, Хиросима ва Нагасаки атом бомбалари ва Вьетнамнинг гилам бомбардимонига ишора қилиб, Ғарб дунёсининг кескин қораланиши сифатида қараляпти”, дейилади хабарда.
30 сентябрь куни Владимир Путин Кремлда нутқ сўзлаб, у бошланган Ғарб гегемонлигининг қулаши қайтариб бўлмас экани, дунё фундаментал характерга эга бўлган инқилобий ўзгаришлар даврига кирганини айтди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
