Еврокомиссия Европа Иттифоқи давлатларини Болгария, Хорватия ва Руминиянинг Шенген келишувига қўшилишини маъқуллашга чақирди.
Еврокомиссия баёнотида айтилишича, ушбу давлатлар Европанинг визасиз режимига кириш шартларини бажарган ва унда иштирок этишдан «зудлик билан фойдаланиши» керак.
Шунингдек, бу давлатлар ўтган йиллар давомида, жумладан, пандемия даврида ва яқинда Украинадаги воқеаларнинг «мисли кўрилмаган оқибатлари»га дуч келганда Шенген ҳудудининг нормал фаолиятига катта ҳисса қўшган.
Болгария, Хорватия ва Руминия 2023 йилдан бошлаб Шенген ҳудудига қўшилиш ниятида. Энди у Европа Иттифоқининг 22 мамлакати (Австрия, Белгия, Дания, Финландия, Франция, Германия, Греция, Италия, Люксембург, Нидерландия, Португалия, Испания, Швеция, Чехия, Эстония, Венгрия, Латвия, Литва, Малта, Полша, Словакия, Словения) ва Европа Иттифоқига аъзо бўлмаган тўртта давлатни (Норвегия, Исландия, Швейцария ва Лихтенштейн) ўз ичига олади. Шенген давлатлари рўйхати охирги марта ўн йилдан кўпроқ вақт олдин, Лихтенштейн қўшилганида янгиланган эди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
