Шольц Twitterда 1 июл мусулмонларга қарши ирқчиликка қарши кураш куни муносабати билан ўртоқлашди. Германияда ирқчиликнинг бир ҳақиқат эканини тилга олган Шольц, бу ҳақиқатни биргаликда енгиш кераклигини таъкидлади.
Ирқчилик билан курашиш учун ҳаракат қилишини билдирган Шольц, "Ирқчилик, антисемитизм ва мусулмонларга қарши нафратга йўл қўйилмаслиги керак" деди.
Германия Ички ишлар вазири Ненси Файзер мамлакатда яшовчи 5,5 миллион мусулмоннинг кўпчилиги кундалик ҳаётларида камситиш ва четланишларга дучор бўлаётганини тан олди.
Немис жамиятида мусулмонларга қарши нафрат кенг тарқалган.
Германия ҳукуматининг Сўл партия парламент сўровига берган жавобига кўра, мамлакатда жорий йилнинг январ-апрель ойлари орасида исломга қарши 124 та жиноят содир этилган.
Жиноятлар масжидларга ҳужум қилиш, жамоатчиликни гижгижлаш, тан жароҳати етказиш, ҳақорат қилиш, таҳдид қилиш, мулкка зарар етказиш ёки конституцияга зид рамзларни қўллашдан иборат эканлиги таъкидланди.
Бурндан ташқари, Мусулмонларга қарши мустақил экспертлар гуруҳи томонидан тайёрланган ҳисоботда, Германия жамиятининг катта қисмида мусулмонларга қарши душманликнинг кенг тарқалганлиги ташвиш билан эътироф этилади.
Ҳисоботда Германияда ҳар икки кишидан бири мусулмонларга қарши баёнотларни маъқуллагани қайд этилди.
Германияда мисрлик Марва ал-Шарбийни 2009 йилнинг 1 июлида Дрезден штати судида ирқчи Алекс В. томонидан хотини ва 3 ёшли ўғлининг кўз ўнгида 18 марта берилган пичоқ зарбаси билан ўлдирилгани қораланиб митинг ўтказилган.
Эрини ҳимоя қилмоқчи бўлган Алвий Оказ ҳам ҳужумчининг пичоқ жароҳатидан яраланган; полиция ходимлари тажовузкор деган гумонда Оказнинг оёғига ўқ узган. Террорчи Алекс В. қотиллик ва қотилликка уриниш жиноятини содир этган деб топилиб, умрбод қамоқ жазосига ҳукм қилинди.
Воқеа мусулмонларга қарши ҳужум бўлганлиги сабабли, мусулмонларга қарши нафрат, ҳужум ва ирқчиликка эътибор қаратиш мақсадида 1 июль Мусулмонларга қарши ирқчиликка барҳам бериш куни деб эълон қилинган.
«Замин» янгиликларини «Вконтакти»да кузатиб боринг
