Фото: Getty Images
Туркия ҳарбий-денгиз кучлари 2029 йилга бориб янги турдаги олтита маҳаллий сувости кемасига эга бўлади. Бу ҳақда мамлакат президенти Ражаб Тоййиб Эрдўған TCG Piri Reis кемасини қуролланишга қабул қилиб олиш маросимида маълум қилди.
«Биз қўмондонлик билан армиямиз учун муҳим аҳамиятга эга, ҳаводан мустақил двигател билан жиҳозланган янги TCG Piri Reis сувости кемамизни қуролланишга қабул қилмоқдамиз. Жорий йилда шу турдаги иккинчи — TCG Hizir Reis сувости кемасининг синовлари бўлиб ўтади, 2025 йилда у ҳарбий-денгиз кучларига топширилади. TCG Murat Reis 2026 йилда қуролланишга келиб қўшилади. 2029 йилга бориб бу турдаги сувости кемаларидан олтитаси қуролланишда бўлади», — дейди Эрдўған.
У Туркия учта томони ҳам денгиз билан ўралган давлат бўлиб, мамлакатга кучли ва самарали Ҳарбий-денгиз флоти кераклигини таъкидлади.
Туркия президентининг сўзларига кўра, янги сувости кемалари турк флотининг стратегик қуролланиши ҳисобланиб, маҳаллий турдаги қуроллар ва бошқа тизимлар билан жиҳозланган. Шу билан бирга, Эрдўғаннинг айтишича, мамлакат ўз сувости кемасига эга бўлиш учун 138 йил кутишга тўғри келган.
TCG Piri Reis Германиянинг Тип 214 сериясидаги сувости кемаси базасида яратилган. Туркия 2009 йилда ThyssenKrupp AG компанияси билан бу каби олтита кемани қуриш бўйича келишувга эришган эди. Тип 214 — бу дизел-электрли сувости кемаси. Двигатели водород ёнилғи элементларига асосланган ҳаводан мустақил ишловчи тизим билан бирлаштирилган, бу эса ўз навбатида кемага узоқ вақт сув юзасига чиқмасдан хизмат қилиш имкониятини беради.
Сувости кемасининг сиғими 1850 тонна, узунлиги 68,35 метр ва эни 6,3 метрни ташкил этади. Экипаж — 40 киши. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Фронтдаги вазият: Торецк ҳам руслар қўлига ўтмоқда, Константиновкага хавф яқинлашмоқда
Ямандаги ёқилғи қуйиш шохобчасида портлаш содир бўлди (видео)
Япониядаги майдони 9 м² бўлган квартираларда одамлар қандай яшайди? (фото, видео)
Лос-Анжелесдаги ёнғинларни нега ўчириб бўлмаяпти?
Лос-Анжелесда кварталлар, машҳурлар ва миллионерларнинг уйлари ёниб кетди (фото)
Панама президенти Трамп устидан БМТга арз қилишини айтди
Германияда захирадаги ҳарбийлардан иборат махсус бўлинма ташкил этилади
Toyota компанияси Фужи тоғи этакларида «ақлли шаҳар» қурилишини якунлади