Голландия термаси юлдузи кокаин ишида гумонланмоқда

Голландиялик машҳур собиқ ҳимоячи Ронни Стам икки тоннадан ортиқ кокаинни контрабанда қилишда гумонланиб, 13 йилгача озодликдан маҳрум этилиши мумкин, деб Omroep Brabant хабар берди. Тергов маълумотларига кўра, Ронни Стам ва унинг укаси Радди ҳозирда БААда яшириниб юрибди ва улар халқаро миқёсда наркотик савдоси билан шуғулланганликда айбланмоқда.

40 ёшли Стам ўзининг футболчилик фаолияти давомида Голландиянинг “NAC Breda” ва “Твенте”, Англиянинг “Уиган”, ҳамда Белгиянинг “Стандард” клубларида тўп сурган. Унинг спортдаги муваффақиятлари ҳам катта эътиборга сазовор: 2010 йилда “Твенте” таркибида Голландия чемпиони бўлган, 2012/2013 йилги мавсумда эса “Уиган” билан Англия кубогини қўлга киритган. Шунингдек, Стам бир неча бор Нидерландия терма жамоасига чақирилган.

Сўнгги йилларда у спортдан ташқари қонунбузарлик ишларига аралашгани айтилмоқда. Ҳозирда полиция ва тергов органлари Стам ва унинг укасини халқаро қидирувга берган. Мухлислар ушбу воқеадан ҳайратда ва афсусда эканликларини яширишмаяпти. «Замин»ни Telegram’да ўқинг!