Александар Вучич президентлик лавозимини бир неча ҳафтадан кейин тарк этишини айтди
Сербия раҳбари Александар Вучич яна бир неча ҳафта президент лавозимида ишлаб, истеъфога чиқишини маълум қилди. У бу ҳақда Белградда ўтган митингда эълон қилиб, давлат раҳбари сифатидаги фаолияти якунланиш арафасида эканини айтди. Вучич президентликдан кетгач ҳам сиёсатда қолишни ва келгуси парламент сайловида иштирок этишни режалаштирмоқда.
Александар Вучич Сербия президенти лавозимида яна бир неча ҳафта ишлаб, кейин истеъфога чиқишини айтди. У бу қарорини Белградда бўлиб ўтган митингда эълон қилди.
Сербия раҳбари аввал уни президентликдан ҳеч қачон кетмайди, деб танқид қилишганини эслади. Вучичнинг сўзларига кўра, энди унинг давлат раҳбари сифатидаги фаолияти якунланиш арафасида.
У президентликдан кетгач ҳам сиёсатда қолишни режалаштирмоқда. Вучич келгуси парламент сайловида иштирок этиш ниятини билдирди. Мамлакатда президентлик ва парламент сайловларини муддатидан олдин ўтказиш режаси бор, аммо аниқ сана ҳозирча маълум эмас.
Вучичнинг амалдаги ваколат муддати 2027 йилда тугаши лозим эди. Истеъфо ҳақидаги баёнот Сербияда коррупцияга қарши норозиликлар кучайган даврда айтилди.
Изоҳлар 0
…