Маълумки, 23 март куни Қозоғистон президенти мамлакат пойтахти Остона шаҳри номини Нур-Султон деб қайта номлаш тўғрисидаги фармонга имзо чекди. Қозоғистонлик эксперт Александр Разуваевнинг айтишича, бу жараёнларга кетадиган сарф-харажатлар 47 миллиард тенгедан зиёд ёки 125 миллион АҚШ долларини ташкил этиши мумкин. Бу ҳақда "Халқ сўзи" хабар берди.
Экспертнинг фикрича, пойтахтни қайта номлаш арзонга тушмайди ва асосий маблағлар бюджет ҳисобидан кетади. Разуваев харажатларнинг бош йўналишлари сифатида қуйидагиларни кўрсатиб ўтган:
“Шаҳарликлар учун янги ҳужжатларни чоп этиш – тахминан 80 миллион доллар(уч миллиард тенге); янги вивескалар ва кўрсаткичлар тайёрлаш – қарийб 25 миллион доллар(9,5 миллион тенгега яқин), янги хариталар тайёрлаш – тахминан беш миллион доллар(1,9 миллиард тенге)”.
Мутахассис ўз навбатида давлат муассасаларига янги таҳрирдаги конституция ва кўплаб қонунлар етказиб берилиши кераклигини ҳам қайд этиб ўтган. Сабаби ҳозир барча ҳужжатларда шаҳар номи Остона бўлиб турибди. Ушбу ўзгаришлар учун 15 миллион доллар атрофида кетади. Жами бўлиб 125 миллион долларга яқин(ёки 47 миллиард тенгедан зиёд) маблағ сарфланиши мумкин.
Бундан олдин Қозоғистон молия вазири Алихан Смаилов пойтахт номини ўзгартиришга кетадиган харажатлар ҳали ҳисобланмаганини маълум қилганди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Дунёдаги энг бой араб шайхининг рафиқаси қандай кўринишга эга?
Тадбиркорларга қўлланадиган молиявий жарима камайтирилади
Нега Трамп Зеленскийни ёмон кўради?
Зеленский: Россия Украинанинг иссиқлик энергетикасини деярли тўлиқ яксон қилди
