Фото: WPTV News
АҚШнинг Уэст-Палм-Бич шаҳрида (Флорида штати) яшовчи аёл бир йил ичида икки марта эгизак фарзанд дунёга келтирди. Бу ҳақда WPTV-TV телестанцияси хабар берди.
Александрия Уоллистон исмли бу аёл 2019 йил мартида эгизак ўғилларни дунёга келтириб, уларга Марк ва Малахий деб исм қўйган. Аёл кўп ўтмай, яъни май ойида яна ҳомиладор бўлгани ва эгизак фарзанд кутаётгани маълум бўлган. Александрия 27 декабрда Кайлен ва Калеб исмли эгизакларни дунёга келтирган. “Мен ҳеч қачон эгизак фарзанд туғаман, деб ўйламагандим”, деб тан олган она.
Аёл яқинда унинг икки бувиси ҳам эгизакларга ҳомиладор бўлганлари, бироқ уларни туғруқ вақтида йўқотганларидан хабар топди. “Улар гўёки бу болаларни менга осмондан жўнатишган”, деб айтган Александрия. Аёлнинг эгизак фарзандларидан ташқари, 3 ёшли қизи ҳам бор. “Тан олиш керак, қизимнинг феъли оғир, мен гўёки бир эмас, икки фарзанд тарбиялаётгандекман”, деб қўшимча қилган аёл.
6 январда чақалоқлардан бири – Калеб туғруқхонадан чиқарилган. Унинг укаси Кайлен эса ҳозирча шифокорлар кузатуви остида қолмоқда. Аёл “янги меҳмонлар” шарафига базм уюштириш учун бутун оила жам бўлишини интиқлик билан кутмоқда. “Мен гўёки икки марта жекпот ютиб олгандекман”, деб айтган бахтиёр она. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мария Захарова украиналикларни Америка ҳиндуларига ўхшатди
“Толибон” Афғонистоннинг Хост вилоятида беш нафар фуқарони қамчи билан жазолади
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
Велосипедда сайр қилиш учун 3 сабаб: ёшартиради, оздиради ва умрни узайтиради
Зоир Мирзаев “Телефонсиз мактаб”га 300 млн сўм мукофот берди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Америкалик олимлар барча учун бирдек фойдали жисмоний фаоллик турини аниқлади
