12:00 / 25.01.2020
2 754

Россияда филлар циркдан қочиб чиқиб, шаҳар айланди (видео)

Россияда филлар циркдан қочиб чиқиб, шаҳар айланди (видео)
Фото: «E1.ru»
Россиянинг Екатеринбург шаҳрида Санкт-Петербургга гастролга отланаётган цирк труппасидан икки фил қочиб чиқиб, «шаҳар айланиш»га қарор қилди, деб ёзмоқда «Дарё» нашри.

Ижтимоий тармоқларида воқеа акс этган видео эълон қилинган. Унда баҳайбат филнинг қорда думалаб ётганини, яна бирида эса автомобиль йўлини кесиб ўтаётган филни одамлар тўхтатишга уринаётганини кўриш мумкин.

Хабарда айтилишича, улар Санкт-Петербургдаги гастролга кетаётган «Италия цирки» дастурида иштирок этувчи 45 ёшли Карл ва 50 ёшли Рания исмли фил бўлиб, дрессировкачи ҳамроҳлигида сайрга чиққан.

Фото: «E1.ru»
«E1.ru»нинг ёзишича, дастлаб филлар қочмагани, дастур якунланганидан сўнг улар бошқа шаҳарга олиб кетилаётгани айтилган. Кейин эса улар ҳақиқатан ҳам қочиб кетгани тан олинган.
Ҳозирда вазият бартараф этилган бўлиб, филлар ўз жойига қайтарилган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Россияда филлар циркдан қочиб чиқиб, шаҳар айланди (видео)