21:41 / 22 марта 2020
1 185

Хорватияда иккита кучли ер силкиниши юз берди (фото)

Хорватияда иккита кучли ер силкиниши юз берди (фото)
Фото: France 24
Хорватияда беш балли магнитудадан кучлироқ иккита кучли зилзила рўй берди, тонгда камида бешта силкиниш кузатилган, деб хабар берди Европа-Ўртаер денгизи сейсмологик марказининг Twitter’даги саҳифаси.

5,3 магнитудали дастлабки силкинишлар Загреб шаҳрида кузатилди, зилзила эпицентри пойтахтга яқин жойда, зилзила маҳаллий вақт билан 06:24 да кузатилган. Орадан ярим соат вақт ўтгач ер силкиниши яна содир бўлган ва унинг магнитудаси ҳам 5 балл экани қайд этилмоқда.

Фото: Gulf News
Силкинишлар оқибатида мамлакатдаги айрим биноларнинг муайян қисми бузилиб тушган, кўчалардаги автомобиллар устига бинолар ғиштлари, қисмлари қулаб тушган, айрим турар жой ҳудудларида электр таъминоти ўчиб қолган. Шунингдек, зилзиладан Загреб саройи ҳам талафот кўрган.

Фото: CP24
Шифокорларнинг хабарига кўра, табиий офатдан бир нафар 15 ёшли ўсмирга шикаст етган. Уни тез ёрдам гуруҳи кўчада жароҳатланган ҳолда топган, боланинг аҳволи оғир экани айтилмоқда, — дейилади The Dubrovnik Times хабарида.

Фото: Al Jazeera
Дастлабки учта силкинишдан кейин Хорватияда яна учта нисбатан кучсиз зилзилалар кузатилган. Ер қимирлашининг магнитудаси маҳаллий вақт билан 07:41 да 3,7 баллни, 08:04 да 3,1 ҳамда 08:10 да 3 баллни ташкил этган.

Фото: Croatia Week
Январь охирида Туркия шарқида Элазиг вилоятида 6,8 балли кучли зилзила содир бўлган. Оқибатда 41 нафар одам ҳалок бўлган, 1,6 мингдан кўпроқ одам жароҳатланган, харобалар остида 45 нафар одам қутқариб олинганди. Сивриже шаҳри эпицентрга яқин бўлгани сабаб зилзиладан кучли талафот кўрганди. ТИВ Туркиядаги зилзила оқибатида ҳалок бўлганлар орасида Ўзбекистон фуқаролари йўқлигини маълум қилган.

зилзила Хорватия
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)