2 244
Хитойда ҳарбийларнинг COVID-19’га қарши тажриба вакцинасидан фойдаланишига рухсат берилди
Фото: Reuters
Хитой ҳарбийларнинг CanSino Biologics ва Ҳарбий фанлар академиясининг тадқиқот маркази томонидан ишлаб чиқилган COVID-19 коронавирус инфекциясига қарши вакцина намунасидан фойдаланишига рухсат берилди. Бу ҳақда CanSino Biologics маълумотига таяниб The Jakarta Post хабар қилган.
«Фақат ҳарбий тузилмаларнинг Ad5-nCoV вакцинасидан фойдаланишига рухсат берилган. Ҳозирча ундан Хитой халқ-озодлик армияси моддий-техник таъминоти бўлинмаси рухсатисиз кенг миқёсда фойдаланишнинг имкони йўқ», — дейилган CanSino Biologics баёнотида.
Компания берган маълумотга кўра, Хитой марказий ҳарбий комиссияси 25 июндан бошлаб вакцинадан бир йил давомида фойдаланишга рухсат берган.
Аввал клиник синовларда вакцинанинг хавфсиз экани, шунингдек, касалликка қарши самарадорлиги аниқланган. Ad5-nCoV’нинг дастлабки икки босқичдаги тадқиқотларида вакцинанинг коронавирус чақирадиган касалликнинг ривожланишига йўл қўймаслик хусусиятига эга экани намоён бўлган. CanSino Biologics компаниясининг қайд этишича, вакцинанинг тижорий томондан муваффақият қозониши кафолатланмаган.
Ad5-nCoV Хитойда ишлаб чиқилган ва мамлакатда ҳамда унинг ташқарисидаги одамларда клиник синов ўтказилиши бошланган саккизта потенциал вакцинанинг бири ҳисобланади. Мазкур вакцинани тест қилишга Канадада ҳам рухсат берилган.
Аввал Хитой халқ-озодлик армияси ҳарбий фанлар академияси COVID-19’га қарши иккинчи тажриба вакцинасининг тест қилинишига рухсатнома олган. ОАВда тарқалган хабарларга кўра, Хитой коронавирусга қарши вакцина ишлаб чиқишда етакчилик қилмоқда.
Бироқ ҳали дунёда ишлаб чиқилаётган ҳеч бир вакцина учинчи босқичга чиқмаган: ушбу босқичдаги синовларда камида мингта иштирокчи қатнашиши талаб этилади, тадқиқот вирус кенг тарқалган мамлакатда табиий шароитда ўтказилади. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
«Реал Мадрид» устози Карло Анчелотти кечаги ғалабадан сўнг нималар деди?
Қозоғистонлик миллиардерлар сув тошқинидан зарар кўрган ҳудудларга маблағ ажратди
Хотирани яхшилашнинг жуда оддий усули топилди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Қондаги шакар миқдорини тартибга солувчи фойдали мева номи айтилди