13:46 / 21.08.2020
1 944

Карантиндан воз кечган Швецияда ўлим даражаси 150 йиллик антирекордни янгилади

Карантиндан воз кечган Швецияда ўлим даражаси 150 йиллик антирекордни янгилади
Фото: Getty Images / AFP
2020 йилнинг дастлабки 6 ойида мамлакатда 51405 киши вафот этган. Бу 150 йиллик антирекорднинг янгиланганини англатади, деб ёзди «Лента.ру».
Пандемия бошланганидан бери хавфли вирусни 85 мингдан ортиқ одам юқтириб олган, улардан 5,8 мингдан ортиғи вафот этган.

Давлат статистика бошқармаси (SCB) хабарига кўра, Швецияда аҳолининг ўсиш даражаси сўнгги 15 йилдаги энг паст натижани кўрсатган. Бу ўлим даражасининг юқори экани билан изоҳланмоқда. Бундан ташқари, никоҳлар сони сўнгги 20 йилдаги энг паст натижани, ажралишлар сони эса сўнгги 13 йилдаги энг юқори натижани кўрсатган.

Июль ойининг охирида Швецияда коронавирус юқтириб олганлар сони камая бошлади. Европанинг бошқа мамлакатларида эса аксинча, беморлар миқдори ошган эди.

Коронавирус пандемияси туфайли қаттиқ карантин чекловларини жорий қилган Европанинг кўплаб давлатларидан фарқ қилган ҳолда, Швеция бошқа йўлдан борди. Умумий тақиқлар бўлмади, ижтимоий масофани сақлаш ва ўзини яккалаш тавсиявий хусусиятга эга бўлди. Жон Ҳопкинс Университети маълумотига кўра, бу бошқа мамлакатларга нисбатан ўлим даражасининг юқори бўлишига олиб келди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)