Фото: Getty Images
Озарбойжон Арманистон қуролли кучларини Фузулий тумани ҳудудига ракета зарбалари йўллашда айблади. «Интерфакс» хабарига кўра, Озарбойжон мудофаа вазирлиги Тертер тумани ва Агдам қишлоғига ҳам артиллериядан ўт очилгани ҳақида хабар берган. Вазирлик мос равишда жавоб қайтарилганини маълум қилган.
Арманистон Озарбойжон ҳудудини ўққа тутгани ҳақидаги хабарларни рад этган, ўз навбатида Озарбойжон тан олинмаган Тоғли Қорабоғ маркази — Степанакертдаги тинч аҳоли вакилларини нишонга олганини билдирган. Тоғли Қорабоғ расмийлари эса Озарбойжоннинг Ганжадаги ҳарбий аэропорти йўқ қилинганини билдирган. Озарбойжон томони бу маълумот бўйича ҳозирча изоҳ бермади.
Тоғли Қорабоғда Арманистон ва Озарбойжон ўртасида 1990-йиллардан буён сақланиб қолаётган можаро сентябрь ойи охирида яна авж ола бошлади. Томонлар бир-бирини провокацияда ва артиллерия орқали ўт очишда айблади. Икки томон ҳам ўз ҳудудида ҳарбий ҳолат эълон қилган. 2 октябрь куни Арманистон тинчлик музокараларига тайёр эканини маълум қилди, Озарбойжон ва Туркия рад жавоби берди.
Озарбойжон Бош прокурори Камран Алиевнинг маълумот беришича, Арманистон Қуролли Кучлари томонидан ўққа тутилиши натижасида 27 сентябрдан бери 19 нафар тинч аҳоли ҳалок бўлган. Бундан ташқари, шу вақтгача 63 киши жароҳат олгани қайд этилган.
Озарбойжон фуқароларининг ўлими, уларнинг яраланиши, мол-мулкига зарар етказилиши фактлари бўйича мамлакатнинг бешта минтақасида содир бўлган воқеалар бўйича 12та жиноят иши қўзғатилган.
Аввалроқ икки томон ҳам бир-бирининг йўқотишлари ҳақида хабарлар тарқатган, бу хабарларда икки томон ҳам минглаб ҳарбийсидан айрилгани айтилганди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Небензя Ғарбнинг БМТ Хавфсизлик Кенгашидаги нутқини иккиюзламачилик паради деб атади
“Толибон” Эроннинг Исроилга қарши ҳужумини қўллаб-қувватлади
Бухоро вилоятида «Нексия-3» автомашинаси букланиб қолди
Можародан сўнг Украинани нима кутаётгани маълум бўлди
Эроннинг Исроилга ҳужуми шунчаки спектакль эдими?..
Пентагоннинг собиқ таҳлилчиси Ғарб нега Украинада тинчлик истамаслигини тушунтирди
Давлат хавфсизлик хизмати маклерларга қўшиб мансабдорларни ҳам қўлга олди
Элдор Шомуродов гол урган баҳсда “Кальяри” меҳмонда “Интер” билан дуранг ўйнади (видео)