Иллюстратив фото
Швеция полицияси пойтахт Стокгольмда ўғлини 28 йил тутқунликда сақлашда гумон қилинган 70 ёшли аёлни ҳибсга олди. Бу ҳақда «Expressen» газетаси ёзмоқда.
Нашр ёзишича, якшанба куни (29 ноябрь) аёлникига келган қариндоши (аёл киши) уйда қўрқиб кетган 41 ёшли эркакка дуч келади. У зўрға гапирар, оёқлари мўматалоқ, яра-чақа бўлиб кетганди. Аранг оёқда турган бу одам саволларга ҳам айтарли жавоб беролмаган.
Аёл дарҳол тез ёрдамга қўнғироқ қилади, касалхонага олиб кетилган эркакнинг аҳволи оғирлиги айтилмоқда. Хабарга кўра, ундан олдин онаси ҳам касалхонага ётқизилган экан. Бу аёл ўғлини 28 йил тутқунликда сақлаганликда гумон қилинмоқда. Боласини 12 ёшдалигида мактаб олиб чиқиб кетган, шундан бери уйдан кўчага чиқармаган. Онаси ўғлини уйдан чиқармаслигига ўзгалар доим уларга ёмонлик қилиш ниятида бўлганини важ қилиб кўрсатган.
Қариндош аёлнинг айтишича, она-бола яшаган уй узоқ йиллардан бери йиғиштирилмагани кўриниб турибди. У кўрганларини қўрқинчли фильмлардаги манзарага ўхшатган.
«Aftonbladet» нашри ёзишича, Стокгольм полицияси айни воқеа юзасидан иш очган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ғазо аҳолиси ҲАМАСнинг тинчликка эришиш йўлидаги қарорини нишонлаш учун кўчаларга чиқди
Россияда америкалик аскар ўғриликда айбланиб қўлга олинди
Освенцимда минглаб яҳудийлар «Тириклар марши» акциясини ўтказди
118:9: “Барселона” футбол ўйнашни қизлардан ўргансин!
Самвел Бабаян: "Исталган жамоа Наманганга келганида ҳимоявий услубда ўйнайди"
Суперлига. "Навбаҳор" ўз майдонида "Локомотив"ни йирик ҳисобда мағлуб этди
Президент ижтимоий хизматлар кўламини кенгайтириш бўйича таклифлар билан танишди
Онколог татуировка ишқибозларини жиддий огоҳлантирди