08:09 / 17.07.2021
1 046

Японияда бир шингил узум 12,7 минг долларга сотилди

Японияда бир шингил узум 12,7 минг долларга сотилди

Японияда юқори сифатли қизил узумнинг бир шингили 1,4 миллион иенга (12,7 минг доллар) сотилди. Ruby Roman, яъни “Рим ёқути” деб номланган узум навини Тайвандаги Yumaowu япон супермаркетлари тармоғи бошқарувчиси Се Мин-та сотиб олган.

Таъкидланишича, Ruby Roman Канадзавада ўтказиладиган аукционда қаторасига учинчи йил рекорд нархга сотилмоқда.

Се Мин-танинг айтишича, у узумни ўз дўконида сотувга қўймоқчи ва у билан мижозларни меҳмон қилмоқчи.
“Мен Ruby Roman’ни Тайван халқига намойиш қилмоқчиман. Сиз узум навини яратувчи кишилар меҳнати қанчалик машаққатли эканини ўйлаганингизда, 1,4 млн иен ушбу узум учун арзон нарх эканини тушунасиз”, деб айтган тадбиркор.
Таъкидлаш жоиз, аукционга ушбу узумдан 253 боши сотувга қўйилган.

Ruby Roman дунёдаги энг қиммат узум нави ҳисобланади. Япониялик селекционерлар уни 1994 йилда олишган, бироқ у биринчи марта сотувга 2008 йилдагина чиқарилган. Ушбу нав қизғиш-ёқут рангга эга йирик сувли донлари ва жуда ширин таъмга эгалиги билан ажралиб туради.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Японияда бир шингил узум 12,7 минг долларга сотилди