10:46 / 25.09.2021
3 882

Ҳиндистонлик таниқли жиноятчи суд залида отиб ўлдирилди

Ҳиндистонлик таниқли жиноятчи суд залида отиб ўлдирилди
Фото: AP Photo / Mukhtar Khan
Таниқли жиноятчи Житендер Гоги Деҳлидаги суд залида отиб ўлдирилди. Деҳли полицияси комиссари Ракеш Астананинг маълум қилишича, қотиллар суд биносига адвокатлар қиёфасида кириб олишган.

Житендер Гоги, қатор жиноятларга дахлдорликда гумон қилиниб, ўтган йили «Тихар» қамоқхонасига келтирилганди. «Тиллу тўдаси» номи билан танилган жиноий гуруҳ Гогини ўлдиришга қасд қилгани маълум бўлгач, полиция унинг хавфсизлигини таъминлаш учун касалхонада ўлган, дея хабар тарқатганди. Бироқ ҳийла иш бермади, жума куни суд залига келтирилган Гоги гувоҳлар ва судьянинг кўз ўнгида отиб ташланди.

«Рақобатчи гуруҳнинг икки аъзоси суд биноси ичида Житендер Гогига ўқ узишди... Полиция тезкор ҳаракатланиб икки қотилни ўлдирди. Гогини қўшганда жами уч киши ҳалок бўлди», — деди Астана NDTV телеканалига берган интервьюсида.

«Суд биносидаги металл қидиргич ишлаганми-йўқми, буни ҳали аниқлаймиз, ҳозирча бунга изоҳ беролмайман. Суриштирувни бошладик, ўқ узишга дахлдор ҳеч кимни аяб ўтирмаймиз», — деди у.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Ҳиндистонлик таниқли жиноятчи суд залида отиб ўлдирилди