Душанбаларни севишни ўрганишнинг 4 усули

Душанба кўпчилик учун севимли кун эмас. Дам олиш кунлари жуда қисқа туюлади, ҳафтанинг биринчи куни эса кўпинча стресс билан бошланади. Аммо оддий қоидаларга амал қилиб, душанба кунига нисбатан муносабатингизни ўзгартиришингиз мумкин. Қуйидаги 4 маслаҳат сизга ёрдам беради:

1. Стресс омилларини бартараф этинг
Душанба кунидан олдин ҳаётингизни осонлаштиринг. Масалан, кийимларингизни тайёрлаб қўйинг, иш сумкасини йиғинг ёки нонушта учун маҳсулотларни олдиндан тайёрлашни одат қилинг. Буларни якшанба куни бажарсангиз, ҳафта осонроқ бошланади.

2. Тинч уйқуга эътибор беринг
Якшанба кечаси кеч ётиш орқали дам олиш кунларингизни бузманг. Медитация қилинг, яхши китоб ўқинг ёки сайр қилинг. Етарли даражада уйқу – душанбада энергияни сақлаб қолишнинг энг яхши усулидир.

3. Кутиладиган нарсаларни режалаштиринг
Душанба кунини ёқимли ўтказиш учун ўша кунга қувонч келтирадиган ишлар билан машғул бўлишингиз мумкин. Масалан, дўстлар билан учрашув, спорт машғулотлари ёки массажга бориш руҳингизни кўтаради.

4. Фикрлашни ўзгартиринг
Кўпчилик душанбани ёқтирмаслик одатига ўрганиб қолган. Аслида, тадқиқотлар душанба кунидан ҳаётдан қониқиш даражаси бошқа кунлардан паст эмаслигини кўрсатади. “Менинг душанбам ажойиб бўлади” ёки “Бугун яхши кун бўлишига ишонаман” каби ижобий фикрлар кайфиятингизни яхшилайди. “Замин” янгиликларини “Telegram”да кузатиб боринг