Кунига 10 минг марта ухлайдиган пингвинлар: уларнинг уйқу сири нимада?

1 дақиқа ўқиш0
Кунига 10 минг марта ухлайдиган пингвинлар: уларнинг уйқу сири нимада?

Пингвинларнинг уйқу одати сизни ҳайратда қолдириши мумкин. Улар узоқ вақт давомида кўз юмиб ухлаш ўрнига, кун давомида минглаб марта бир неча сонияга мизғиб олишади. Олимлар Антарктидада яшовчи тасмасимон пингвинларда (chinstrap penguins) шундай ноодатий ҳолатни аниқлашган.

2023 йилда “Science” илмий журналида эълон қилинган тадқиқотга кўра, бу пингвинлар бир суткада 10 минг мартадан ортиқ уйқуга кетади. Ҳар бир уйқу эпизоди ўртача 4 сония давом этади. Шуниси қизиқки, ана шу қисқа танаффуслар йиғилиб, уларнинг ҳар бир мия яримшари учун кунига 11 соатдан ортиқ уйқуни таъминлайди.

Тадқиқотчилар Антарктидадаги Жорж оролида уя қурган 14 та пингвиннинг уйқу жараёнини махсус қурилмалар ёрдамида кузатишган. Маълум бўлишича, қушлар баъзан миясининг фақат бир яримшари билан ухлайди, иккинчи яримшари эса фаол ҳолатда қолади. Бу уларга атрофдаги хавфни сезиш имконини беради.

Бундай уйқу тартибининг асосий сабаби — тухум ва жўжаларни ҳимоя қилиш зарурати. Пингвинлар уя қурадиган ҳудудларда тухумларни ўғирлаши мумкин бўлган йиртқич қушлар, шунингдек, бошқа пингвинлар билан рақобат ва тўқнашувлар кузатилади. Шу сабабли улар узоқ вақт бехавотир ухлай олмайди.

Олимларнинг фикрича, минглаб қисқа уйқу танаффуслари пингвинларга ҳушёрликни сақлаган ҳолда дам олиш имконини беради. Демак, улар учун бир неча сониялик мизғишлар ҳам кунлик уйқу эҳтиёжини қондиришда муҳим аҳамиятга эга.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?