Россия макарон маҳсулотлари экспорти 2025 йилнинг дастлабки тўққиз ойида кескин ўсди. Федерал экспорт маркази маълумотларига кўра, мамлакат ташқи бозорларга 154 миллион долларлик макарон етказиб берган — бу ўтган йилга нисбатан 21 фоиз кўп демакдир.
Асосий харидорлар орасида ҳар доимгидек қўшни давлатлар олдинда. Беларусь 35 фоизлик улуш билан биринчи ўринни эгаллаб, йили давомида 54 миллион долларлик маҳсулот сотиб олган. Бу кўрсаткич ўтган йилдан 43 фоиз юқори.
Қозоғистон ҳам юқори талабни сақлаб қолган — 36 миллион долларлик импорт қайд этилган. Ўсиш суръати катта бўлмаса-да, 1 фоизга барибир ошган.
Ўзбекистон эса кучли учликни якунлаб, 16 миллион долларлик макарон хариди билан ўз импорт ҳажмини 19 фоизга кўпайтирган. Мамлакатдаги барқарор талаб Россия маҳсулотларига бўлган қизиқиш ортганини кўрсатади.
Экспорт таркибида асосий улушни қадоқланмаган макаронлар эгаллаб, умумий тушумнинг қарийб 63 фоизини ташкил этган. Тухумсиз пиширилмаган макарон эса 32 фоизлик кўрсаткич билан иккинчи ўринда турибди.
Федерал агроэкспорт маркази раҳбари Илья Илюшиннинг таъкидлашича, макарон маҳсулотларига бўлган юқори талаб, Россиядаги замонавий ишлаб чиқариш базаси ва маҳсулот турларининг янгиланиб бориши экспорт имкониятларини янада кенгайтираётгани билан изоҳланади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
