Ветнам молия вазири ўринбосари Нгуен Дук Чи "Дигитал Труст ин Финансе 2026" форумида мамлакатда тартибга солинадиган крипто активлар бозори 2026-йилнинг учинчи чорагида ўз фаолиятини бошлаши мумкинлигини маълум қилди. Ушбу қадам Ветнамнинг Осиёдаги энг фаол крипто бозорларидан бирини расмий назорат остига олиш стратегиясининг бир қисмидир. Бу ҳақда Cointelegraph.com хабар беради.
Ҳукумат крипто активлар савдоси учун лицензиялаш жараёнини йўлга қўйди ва рақамли иқтисодиётни ривожлантиришни мақсад қилган. Режага кўра, 2030-йилга бориб мамлакат рақамли иқтисодиёти ялпи ички маҳсулотнинг камида 30 фоизини ташкил этиши, транзакцияларнинг 80 фоизи эса нақд пулсиз амалга оширилиши кўзда тутилган.
Жорий йилнинг март ойида бешта йирик компания, жумладан Течкомбанк, VPБанк ва Сун Груп каби ташкилотларнинг шоъба корхоналари мамлакатдаги биринчи лицензияли крипто биржасини очиш учун дастлабки саралашдан ўтди. Шунингдек, ҳукумат крипто операциялари учун анъанавий қимматли қоғозлар савдосига ўхшаш 0,1 фоизлик солиқ тизимини жорий этишни режалаштирмоқда.
Чаиналйсис маълумотларига кўра, Ветнам крипто қабул қилиш бўйича дунёда тўртинчи ўринда туради. Ҳозирда мамлакат трейдерлари асосан Binance, ОКХ ва Бйбит каби хорижий платформалардан фойдаланмоқда, бироқ янги тартибга солиш механизмлари ушбу фаолиятни маҳаллий юрисдикцияга ўтказишга хизмат қилади.
“Zamin”ни Telegram'да ўқинг!
