Strategy компаниясининг имтиёзли акциялар орқали молиялаштириш модели инвесторлар орасида жиддий шубҳаларни уйғотмоқда. Арка компаниясининг инвестициялар бўйича директори Жефф Дорман Х ижтимоий тармоғидаги постида Strategy вазияти “назоратдан чиқиб кетганини” таъкидлади. Унинг сўзларига кўра, компаниянинг тахминан 15 миллиард долларлик имтиёзли акциялари йилига 1,5 миллиард доллар дивиденд тўлаш мажбуриятини юкламоқда. Бу ҳақда Cointelegraph.com хабар беради.
Дорман бозор конъюнктураси ўзгарувчан бўлиб қолса, ушбу тузилмани бошқариш тобора қийинлашишидан огоҳлантирди. Ҳозирда Bitcoin (БТК) нархи йил бошига нисбатан 16 фоизга пастроқ, яни 73,737 доллар атрофида савдо қилинмоқда. Бу эса компаниянинг Bitcoin активларига боғланган капитал тузилмаси узоқ муддатли нарх тебранишларига бардош бера оладими деган саволни келтириб чиқармоқда.
Экспертнинг фикрича, Strategy модели Bitcoin нархи кескин кўтарилиши ва келажакдаги мажбуриятларни қоплаши ҳақидаги тахминга асосланган эди. Компания СТРК, СТРФ, СТРД, СТРК ва СТРE каби беш турдаги имтиёзли акцияларни чиқарган бўлиб, уларнинг ҳар бири турли дивиденд шартлари ва хавф даражасига эга. Дорман компаниянинг 2029-йилда муддати тугайдиган облигацияларни қайта сотиб олиш қарорини “тушунарсиз” деб атади.
Вазият шуни кўрсатмоқдаки, компания олдида фақат иккита йўл қолиши мумкин: дивидендлар учун Bitcoin сотиш ёки дивиденд тўлашни тўхтатиш. Ҳар икки ҳолат ҳам инвесторлар ва Bitcoin бозори учун салбий оқибатларга олиб келиши мумкин. Strategy бош директори Пҳонг Ле компания келажакда Bitcoin сотиши мумкинлигини тасдиқлади, бироқ умумий активлар ҳажми ва ҳар бир акцияга тўғри келадиган Bitcoin миқдори ошиб боришини таъкидлади.
“Zamin”ни Telegram'да ўқинг!
