Канн кинофестивалида юлдузлар қизил гиламда порлади!
Франциянинг Канн шаҳрида 12 май куни 79-Канн кинофестивалининг очилиш маросими бўлиб ўтди. Тадбир олдидан анъанавий қизил гилам маросими ташкил этилиб, унда жаҳон киноси ва мода оламининг таниқли вакиллари иштирок этди.
Бу йилги қизил гиламда актриса Деми Мур энг кўп эътибор тортган юлдузлардан бири бўлди. Шунингдек, Жейн Фонда, Наталя ва Мурад Усмонлар, Поппи Делевин, Жеймс Франко севгилиси Изабел Пакзад билан, Филиппин Леруа-Боле, Элайжа Вуд рафиқаси Метте-Мари Конгсвед ҳамда Жоан Коллинз ҳам маросимда кўриниш берди.
Фестивалнинг расмий танлов ҳакамлар ҳайъати таркибидан Стеллан Скарсгард, Диэго Кеспедес, Лаура Вандел, Парк Чан-Вук, Хлоя Чжао, Исаак де Банколе, Рут Негга ва Пол Лавертй каби киноижодкорлар жой олган.
Канн кинофестивали 23 майга қадар давом этади. Фестиваль давомида янги фильмлар намойиши, юлдузларнинг чиқишлари ва қизил гиламдаги ёрқин образлар кино мухлислари эътиборида бўлиши кутилмоқда.
Обуна билан реклама бўлмайди
Zamin Premium — ойига 4 900 сўм
Мавзуга оид янгиликлар
Изоҳлар0
…