Россия Футбол Иттифоқи (РФИ) бош котиби Максим Митрофанов Россия терма жамоаси ва Аргентина ўртасидаги ўртоқлик учрашуви нега ўтказилмаслиги сабабини тушунтирди.
Аввалроқ, бу учрашув ноябрь ойида бўлиб ўтиши мумкинлиги ҳақида хабар берилганди, бироқ Аргентинанинг бундай ўртоқлик ўйини учун тахминан 5 миллион евро талаб қилгани маълум бўлди.
"Ангола Аргентина билан ўйин учун катта маблағ тўлаяптими? Биз ҳам ўрнида бўлишимиз мумкин эди. Аммо биз бундай талаб қилинган суммани асоссиз деб ҳисоблаймиз", — деди Митрофанов "Спорт-Экспресс" нашрига берган интервьюсида.
Sport News Africa хабарича, Ангола Аргентина билан ўйин учун 12 миллион евро ажратади.
Ноябрь ойида Россия терма жамоаси иккита BetBoom учрашувини ўтказади: 12 ноябрь куни Перу, 15 ноябрь куни эса Чили билан рақобатлашади.
