Англия футболининг афсоналаридан бири Гари Линекер «Бенфика» бош мураббийи Жозе Моуриньюнинг яқинда берган интервьюсидаги фикрларига муносабат билдирди. Бу ҳақда euro-football.ru хабар беради.
Португалиялик мутахассис Чемпионлар лигаси учрашувида «Реал» ҳужумчиси Винисиус Жуниорнинг гол нишонлаш услубидан норози бўлгани ва буни журналистлар билан суҳбатда очиқ айтгани қайд этилди. Ўша вазиятда Винисиуснинг сўзларига кўра, у «Бенфика» футболчиси Жанкюка Престиани томонидан ирқчилик мазмунидаги ҳақоратга учраган.
Линекернинг айтишича, ўйин ортидан юзага келган муҳит жуда оғир бўлган. У Моуриньюни Винисиуснинг голни нишонлаганини айблаш орқали гўёки футболчи ҳақоратга ўзи сабабчи бўлгандек таассурот қолдирганликда танқид қилди. «Футболчилар гол уради ва уни нишонлайди. Улар айнан шу пайтда қандай нишонласам ирқчилик қурбонига айланмайман деб ўйлаши керакми? Албатта, йўқ. Бундай ҳолатда айбни Винисиусга ағдариш нотўғри ва бемаънилик», — дея Линекернинг сўзларини Madrid Zone келтирди.
Учрашувдаги ягона гол муаллифи Винисиус бўлиб қолди.
“Zamin”ни Telegram'да ўқинг!
